喜點.鮮鍋粥底火鍋點心專門店 (已結業)

首次幫襯，同屋企人一行五人走去食海鮮火鍋，花生連加一，平均$350/位。 海鮮質素高，十分生猛新鮮，上台都仲識動，十分有驚喜。不過服務質素中下， 交單後成半個鐘都未有湯底和食物，分別向不同員工追單都冇人回覆跟進，原來漏單冇入，叫其他配料也一樣，漏單問題嚴重。員工服務態度一般， 後生仔還好、肯做，但上左年纪既態度差， 尤其d阿姐，麻煩佢哋幫手跟單，好似欠左她們咁。 如果唔係食物高質補救返，真係唔使旨意幫襯下次。…查看更多

比佢隻龍蝦嘅相引左去試,其實粥底火鍋無野好講最緊要就係食材夠新鮮,今次試左蟹+貝類套餐蟹肉,馬刀貝,鮑魚,蠔,花甲,大蜆都很鮮甜另外仲有8種火鍋料可以選,總體性價比非常高要試記得訂左位先喇!…查看更多

lee間都食過好幾次,因為夠抵食,份量又多門面好街坊,入面都有幾部電視,可以一路食一路睇佢有兩個粥底餐選擇,一個係跟龍蝦🦞一個係跟蟹🦀,仲有得揀仼食,但因為唔係食得太多,所以揀左跟蟹🦀嘅粥底餐配料豉油種類都算多,有六款仲有記住黎之前訂位啊,有肥牛一碟送返隻蟹🦀幾多膏,幾甜,個餐又跟幾多嘢,大家每次都食到飽飽,食到粥就想投降,雖然咁多海鮮🦞褒完個粥真係好甜好吸引🙈🙈其他材料都好新鮮,仲有免費跟蔗水/豆漿/菊花茶,我地試左蔗水,雖然唔係話好夠味,但免費就不太夠要求了🙈…查看更多

本身黎到坐低一個人都冇，唔緊要試下囉。個阿姐啲態度已經超差，問佢是日海鮮有啲咩佢就話唔知，廚房決定比咩就比咩。老公已經話想唔食，不過算啦一場黎到就照食。火鍋配料黎到，附上小強一隻！經經急急腳想拎走毀屍滅跡，好彩有影低！…查看更多

忘不了，突然想起忘不了一段時間無黎食了， 仍然保持水準猴頭菇鯊魚骨湯鍋： 個湯黎到滾起就飲左2碗先好味❣️真材實料海鮮拼盤🦐🦞🐚： 龍蝦、海蝦、鮑魚、蟶子、元貝、黃金貝 樣樣都新鮮，尤其是龍蝦🦞👍👍👍個餐包埋以下一次性食物： 安格斯牛頸脊、瑤柱韭菜餃、蟹肉黑松露餃、招牌水餃皇、鵝肝墨魚丸、芝士牛丸、蟹籽蝦丸、即炸響鈴、炸魚皮， 可惜今日無魚皮， 換了蝦膠油炸鬼基本上食完以上食物已飽飽， 但仲有大約50款任食！ 仲包任飲竹庶茅根水、豆漿！ 每人都係 $318全包！ 比平日貴少少（無加一）…查看更多

一直想試粥底火鍋🍲好耐，同同事傾開偈知道長沙灣有兩間都好出名食呢樣嘢，由於同事已經試過另一間，所以就決定試吓喜點，而且可以用OpenRice訂位好方便，仲有牛小排送添～👍🏻👍🏻放工6點半準時去到唔多人，冷氣充足，我哋五個人被安排坐咗張八人圓枱，好闊落。我哋已經決定咗係食粥底鍋，所以主要係揀食乜配料，不過真係好花多眼亂🙈。一開始就揀咗醬油先～首先，係要揀海鮮，要龍蝦🦞($258)定係肉蟹🦀($198)好呢～其實2樣都想食，但最終有同事幫手決定要肉蟹😚。海鮮仲有貝殼🐚盤(餐Set好嘅)，另外5款就要咗鮑魚、馬刀貝、黃金蚌、蠔同大尾魷。嚟到嘅海鮮盤真係超豐富😍😍，但老實講已經唔係好分到邊隻貝打邊隻貝😅。佢嘅份量係按人頭比嘅，一啲都唔孤寒～🦀蟹係第一樣上嘅海鮮(每人半隻)，同🌽粟米一併落鍋先，鍋底一開始就比較清淡。佢有個教學每樣嘢淥幾耐，一開始我哋好乖有跟足，但後尾愈嚟愈餓，有時又掛住食，所以放棄跟佢個時間隨心淥熟就食🤣。佢個蟹估唔到咁鮮甜，唔係好大隻，但好厚肉，佢有個夾俾你拆肉食蟹鉗👍🏻。啲貝類係幾好味，有大有細，好鮮又夠爽口，無沙，但可以唔使叫太多貝，因為都比較似。鮑魚唔錯好彈牙，而個原隻魷魚🦑就出奇哋正，好鮮好脆。蠔我就無食喇，因為本身就唔鐘意，但見到淥完變咗好細。😂其他火鍋配料可以揀8樣，我哋要咗美國肥牛、魚片頭、手工牛丸、油麥菜、蟹籽蝦滑、蟹肉墨魚滑、西洋菜餃同即炸響鈴。雖然唔係任食，但絕對夠飽😝，佢丸呀餃呀果啲每人會有2粒👍🏻。🐄牛肉前前後後有3大碟，一碟係訂枱送的牛小排、一碟係跟粥餐嘅美國極上牛小排同埋配料揀嘅美國肥牛。有2碟個樣比較似，但食食吓已經分唔到邊碟打邊碟🙈，不過每碟都好有牛味，好好食，唔會好細片同紙咁薄，食完係好有滿足感。蟹籽🦐蝦滑同蟹肉墨魚🐙滑各有2大嚿，再自己刮落去，每人食到好多粒，2樣好好味，好爽口最鐘意佢有啲蟹籽有爆醬嘅感覺😆。西洋菜餃同手工牛丸🍢每人有2粒，真係會食到好飽。呢2樣都好高質，個牛丸係好juicy的，唔會乾憎憎，而西洋菜餃🥟真材實料食到西洋菜👍🏻。即炸響鈴店員強調真係即炸的，叫我哋即刻點甜酸醬食，估唔到又真係好好味喎！！！而淥落去又係另一風味👍🏻。至於魚片頭同油墨菜就真係無咩特別了。食到最後就落埋啲南瓜🎃同芋頭粒落去煮一陣，店員會拎埋碗米粥淥落去。由於太多湯，店員會先幫我哋捌走啲湯先煮，雖然個粥比我想像中稀，但真係幾甜，如果臨尾無加湯，個粥應該會濃啲仲好味🤤。但太飽只係食得一碗。(同事話如果壓融埋啲南瓜粒同芋頭粒會更美味)另外值得一提係包飲品的，有豆漿、竹庶水同菊花茶等等，都幾冰涼幾好飲，但就唔包啤酒🍻汽水🥤。成餐真係好滿足，每樣海鮮同材料都超高質素，而且份量十足，食完捧住個肚走。除咗食物外，餐廳環境好光猛💡好整潔，店員亦好有禮貌好好服務，不斷幫我哋加湯，有個姐姐仲特別好笑容😁，又分享佢覺得粥唔落咸菜嗰啲仲清甜👍🏻。埋單原來有計小食花生錢定醬油錢，所以每人$216全包加一等費用。其實都算係咁，性價比高，任食無咁好食，都唔止呢個價啦。總括嚟講，強烈推介喜點粥底火鍋🍲，粥底唔錯，但更正嘅係佢嘅配料👍🏻👍🏻。我絕對會encore，帶呀爸呀媽嚟試吓。…查看更多

原來網上優惠送的牛小排不用網上訂位也有，食物質素不錯，海鮮都很新鮮，除了蜆，全部蜆未煮都已開口，還有臭味，之後廚房換過一份蚌，網上訂座沒有額外優惠比較失望要求要一瓶水等好久都未來…查看更多

很久沒跟老公二人打邊爐，這晚來到長沙灣區，決定去吃『喜點』的火鍋套餐，因為看評價好像蠻抵食的～晚上8時左右來到，餐廳內可說是座無虛席，還好我一向有訂位的習慣，立即便獲安排坐在裡頭的卡位。一坐下侍應便送上nuts一碟，好讓我們可以邊吃邊點餐～我們選了「忘不了海鮮火鍋套餐」，$298一位，除了海鮮和部分食物，其餘的都是任叫任食的。首先湯底點了「猴頭菇」，感覺養生而不會太搶味，湯底內的食材比我們想像中多，更意想不到的是還有一大隻雞腿，湯底清得來帶有濃郁雞味，根本就跟老火湯無異，正～海鮮拼盤一式兩份，有龍蝦、鮮蝦、鮑魚、蟶子和扇貝，全都非常新鮮又大隻，尤其是龍蝦和鮑魚，肉質鮮嫰，吃得出是「靚嘢」！套餐還跟幾款特色丸類和餃子，全都大大粒，餡料足，個人最喜歡「招牌水餃皇」和「瑞士芝士牛丸」～另外也可從靚牛肉和豬肉中選一碟，我們選了牛，牛味香，肉質綿綿的，如果可以任叫這款就好了。任叫任食一欄的選擇也有很多，肉類、蔬菜、丸類都應有盡有，不過其實吃完以上限定一碟的食物我已飽了一半，還好老公戰鬥力仍然驚人LOL值得一提的是，蔬菜類的選擇很多，我們喜歡吃的有味菜都有，而且都很新解嫩綠。飲品方面都是任飲的，不過只有豆漿、竹蔗茅根，還好我們是有竹蔗茅根就滿足的LOL超滿足的一晚～食物種類和質素都很令人滿意，以任食火鍋來說真是十分抵食呢！------------------------------By alvahana…查看更多

經過附近見到呢間火鍋店下午茶有$34孖寶，可以揀兩款點心，加埋茶介＄5都只係$39點心紙上邊全部紅色字嘅都可以揀得，我就揀咗鳳爪排骨飯同鴛鴦燒賣，味道中上，加上係即叫即蒸，熱辣辣送到,店內裏環境乾淨，食客不多，係下午茶嘅好去處，大家經過不妨一試。…查看更多

枱面無點心紙，問左待應都不願協助，叫我自己去其他枱搵，但其他枱有客坐緊。攪到好尷尬甘周圍搵!!服務: 1/5 態度: 0/5衛生:0/5環境: 1/5 迫你8個人搭6人枱經理重問我洗唔洗換第2款食物，心諗重夠膽食咩>< 食物衛生如上圖，去唔去自己諗，如果想肚痛就去啦。  重點隻小強痴係隻餃既底部同點心底白紙中間，即係隻野係未蒸之前己經痴落隻餃到! 而唔係隅然….…查看更多

好野食值得一食再食最近又想食海鮮，自己買又怕煩，出街食又怕貴，醒起呢個老朋友，可以以超抵價食靚海鮮最近佢出左新plan, d non-海鮮仲可以無限encore!!! 即刻約fd 一齊去order 左淮山響螺豬骨湯底，係勁香甜味美既老火湯，每人先啪一碗海鮮一黎好震撼，d 鮑魚仲好生猛咁抽動，龍蝦d 觸so仲跳緊舞跟住我唔多講，上菜先😎我地既食法係先放晒d 海鮮入湯底，成為火鮮鍋因為本身個湯太正，d 海鮮又好新鮮，食完全唔洗再點任何sauce啖啖都好彈形鮮味，真係無得輸龍蝦係king size睇完相又想再食，等我約下人先。。。…查看更多

三五知己最喜愛圍爐嘆海鮮同火鍋，之前同老公都食過，今次朋友們又即慶話去食，價錢調整左，但食物質素都保留到而且還改動過，Menu紙列明由湯底開始選，就唔係用粥底，都好可以試下其他風味湯底，之後主菜，肉類選安格斯牛頸脊或黑毛豬，其他配料任食不過每次落最多8款。忘不了海鮮火鍋好緊要係2.5 小時不用趕頭趕命，慢慢食慢慢傾。還每枱奉上三色刺身，三文魚，北寄貝同象拔蚌，夠凍夠新鮮今次揀左淮山螺頭豬骨湯，濃湯底加入蔬菜特別甜，雖然有點肥但滾起後片走 d油就可以，始終係用豬骨。主菜海鮮盤寫明有生猛龍蝦同五款時令海鮮的，上枱時龍蝦還腳撐撐，鮑魚群舞，聖子，海虾，大蜆同蚌。西洋菜餃，黑松露餃同韭菜餃，還有三款手打虾丸，墨魚丸同芝士牛肉丸，真係好好味，彈牙爽口。隨心選自己的食材，當中有成4-50款之多，還有我最愛的皇帝菜，娃娃菜，竹笙，脆挽片，芝心丸，不能盡錄，係屋企買餸都差不多價錢，落黎食唔使執拾。套餐的牛肉較有牛味，唔夠喉就叫肥牛任食爽口一點都唔肥膩 食完大家非常滿足，最 like 佢地有無限添飲豆漿或者龍眼菊花茶，超解滯。…查看更多

今日要出外勤，由於工作非常順利，所以不消半天便完成任務，可以準時下班。見已經很久沒來長沙灣接老公放工，今日就一於扮下賢妻，順便在區內搵食。其實來之前都有上飲食網站瀏覽，看看有沒有心水餐廳，想不到原來老公早有準備，說要帶我去吃海鮮火鍋。聽老公講，這間火鍋店午市以點心為主，而晚市則主打海鮮火鍋，加上口碑唔錯，所以早就已經想嚟試下。店舖位於長沙灣天悅廣場地下，入面地方頗大，裝潢簡潔，環境光猛又夠開揚，加上座位寬敞闊落，坐得舒服唔迫狹。唔好以為餐廳無人幫襯，其實係因為我地好早到，之後唔夠 7 點已經全場滿座，非常熱鬧。先細心研究一下餐牌，原來店裡的火鍋款式亦不少，既有粥底亦有湯底可供選擇。我哋揀咗個「忘不了海鮮火鍋」($298/位），套餐除了包鍋底外，另外仲有生猛龍蝦、五款時令海鮮、餃類、丸子、炸物、一碟牛頸脊或黑豚肉及飲品。驚唔夠飽？其實套餐仲有超過 50 款火鍋配料，全部都可以無限追加，非常抵食，另外醬芥小食就每位 $15。 至於湯底方面，共有六款可供選擇，其實有好多款都好吸引，好似印度椰子雞、淮山豬骨螺頭、滋補藥膳雞等，心大心細，最後揀咗猴頭菇鯊魚骨湯鍋。點完餐後，趁湯底未上，先自行「混醬」及外出取飲品。免費贈飲有竹蔗茅根水同有機豆漿兩款，前者清熱降火，而後者入口就有清新的豆香，兩款味道都唔錯，不但真材實料，而且冰涼解渴。返埋位後，湯鍋同海鮮都已經全部送上，嘩，好豐富呀，馬上開餐！先試下個湯底，用料絕不欺場，除了猴頭菇、鯊魚骨、蟲草花等之外，湯鍋內竟然還有半隻雞。先呷一口湯，味道非常鮮甜，有濃厚雞味。猴頭菇本身有助健脾養胃，對消化不良及失眠很有幫助。至於海鮮方面，就共有 6 款，有龍蝦、鮑魚、紐西蘭蟶子皇、帶子、貴妃蚌同海蝦。龍蝦非常新鮮，即叫即劏，每位有半隻，Size 比我手掌還要大，肉質肥厚，入口彈牙爽嫩，鮮味又有膏。其他海鮮亦十分對辦，鮑魚大大隻，有咬口之餘又夠鮮味、蟶子皇鮮甜煙韌、而帶子柱位亦很柔嫩，裙邊夠爽脆。另外貴妃蚌同海蝦，食味亦不俗，前者爽滑有嚼頭、而海蝦亦爽口彈牙，全部都貨真價實。至於餃類、丸子同炸物方面，就包括有瑤柱韭菜餃、蟹肉黑松露餃、招牌水餃、法國鵝肝墨魚丸、瑞士芝士牛丸、蟹籽蝦丸、即炸響鈴同蝦膠釀油炸鬼。韭菜餃嘅韭菜同肉比例匹配，而黑松露餃入口就散發出陣陣松露幽香。丸類之中，個人最欣賞就係法國鵝肝墨魚丸，以新鮮鵝肝醬釀入手打墨魚丸內，兩者味道同樣濃郁突出，比傳統墨魚丸層次豐富。響鈴放入湯中輕灼，既酥脆又帶少許湯汁，好味。另外安格斯牛頸脊亦很值得推介，不但纖維細密，而且嚼勁十足，牛味濃郁，非常適合喜歡重口味的老公。至於自選配料方面，由於之前已經食咗咁多海鮮、餃類同丸子等，已經有八、九成飽，所以只係揀咗 5  款淺嚐，包括有滑牛肉、台灣黑椒腸、鯇魚腩、冬菇同百福滑豆腐。滑牛肉牛色光鮮紅潤，入口軟滑又夠肉汁。台灣黑椒腸嘅黑椒味比想像中濃郁，微辣帶甜，很有咬口。鯇魚腩魚味雖然比較一般，但就勝在兩件都滑嘟嘟。總結來說，以每位 $313 的價錢 (餐廳免收加一) 就可以食到咁多新鮮高質的海鮮，加上還有超過 50 款任食火鍋配料，實在超值，絕對值得 Encore！…查看更多

最近有不少的時間也在長沙灣一帶工作，有時開OT 開晚咗，根本不想自己煮飯了，經同事介紹之下試了這海鮮火鍋，放鬆一下平時工作的緊張心情.海鮮是定量的.其他配料就可無限追加，同様有肥牛脆鯇魚等.醬油自由地配合.肥牛肉質夠滑，有牛味.手打的丸子十分新鮮足料.雞鍋份量十足，湯底夠香濃.到主打的海鮮拼盤，有大大隻龍蝦，飽魚等，十分新鮮，就是這拼盤在街市也要300 元以上了.沒有臭油味道.追加配料同様新鮮，用料十足.…查看更多

朋友介紹這間位於長沙灣的火鍋店十分抵食，今天便和朋友來一試。我們選了忘不了海鮮火鍋套餐，並選了女士喜歡的的猴頭菇鯊魚骨湯。海鮮拼盤內有龍蝦及不同的貝類海鮮等，肉質及鮮味也相當不錯。個人很欣賞套餐內的餃子類食物，每顆餃子都包得很飽滿，餃子皮亦不易煮破，每口也有滿足的感覺。另外我們還追加了不少配菜，豬牛肉片肉質嫩滑，蘿蔔大小剛好，在吃到最後時吸盡湯中的味道，相當可口，友人則偏好它們的芝士丸。而飲品是自助的，選擇有豆漿、龍眼蜜及竹蔗茅根，都是火鍋的好配撘。…查看更多