影片
更多
2022-01-08
68 浏览
年幾前嚟過鮨逸，無論質素，服務同價錢都好好，之後每逢有朋友想食omakase，我都會推薦呢間！最近妹妹又完成咗一單大deal，聽得我講鮨逸多，就提議請我去食omakase賀一賀！呢D開心事，我當然唔客氣，立即訂枱啦！餐廳比以前旺咗好多，呢晚全場爆滿，座無虛席，好彩我早咗幾個星期訂檯先可以坐到吧檯！廚師發辦有兩個sets，我揀咗25品嘅『逸 Itsu』($1480)，加埋汁物及甜品，其實一共有27品，非常豐富！先送上前菜:日本枝豆與牛油粟子呢晚亦太高興，亦點咗一杯梅酒盡情一番！沖繩海雲配松葉蟹肉海雲浸喺醋汁內，酸酸地好開胃！鮟鱇魚肝估唔到今晚竟然有鮟鱇魚肝食，太開心啦！鮟鱇魚肝係日本冬天嘅季節食材，口感猶如鵝肝般軟綿creamy，魚味甘香，入口即溶，正！鱈魚白子嚟之前都有諗，踏入冬天今日可能有得食白子，點知真係遇到，又係好驚喜！白子伴上柚子醋，柔滑豐腴嘅口感令人再三回味！石垣貝非常新鮮，口感爽脆。油甘魚薄切油甘魚切得透薄，有D可惜嘅係面頭嘅wasabi醬汁略為遮蓋咗魚嘅鮮味。北海道鹽燒白貝味道鮮甜，食到白貝嘅原汁原味！平目平目即係左口魚，係白身魚嘅一種，所以師傅刨上柚子皮，帶出平目嘅甜味
廚師發辦有兩個sets，我揀咗25品嘅『逸 Itsu』($1480)，加埋汁物及甜品，其實一共有27品，非常豐富！
先送上前菜:日本枝豆與牛油粟子
呢晚亦太高興，亦點咗一杯梅酒盡情一番！
沖繩海雲配松葉蟹肉
海雲浸喺醋汁內，酸酸地好開胃！
鮟鱇魚肝
估唔到今晚竟然有鮟鱇魚肝食，太開心啦！鮟鱇魚肝係日本冬天嘅季節食材，口感猶如鵝肝般軟綿creamy，魚味甘香，入口即溶，正！
鱈魚白子
嚟之前都有諗，踏入冬天今日可能有得食白子，點知真係遇到，又係好驚喜！白子伴上柚子醋，柔滑豐腴嘅口感令人再三回味！
石垣貝
非常新鮮，口感爽脆。
油甘魚薄切
油甘魚切得透薄，有D可惜嘅係面頭嘅wasabi醬汁略為遮蓋咗魚嘅鮮味。
北海道鹽燒白貝
味道鮮甜，食到白貝嘅原汁原味！
平目
平目即係左口魚，係白身魚嘅一種，所以師傅刨上柚子皮，帶出平目嘅甜味。
活赤貝
一拍就立即收縮，口感爽脆又鮮甜！ 師傅擠少許酸桔汁，大大提鮮！
腦天
腦天係魚腦旁邊的肉，十分矜貴，我都有好一段時間冇遇到佢啦！腦天油香洋溢，火焰後更加迫出油香，有入口即溶嘅感覺，巧妙地配脆口嘅紫菜，減低膩感！
象拔蚌
味道鮮甜爽脆
湯葉
日本湯葉豆味濃郁，用三文魚子去點綴，作為間場亦不錯。
牡丹蝦
牡丹蝦肉質軟滑鮮嫩，放上蝦頭嘅蝦膏，雙重鮮味，一D都無浪費！
令和の怪物
令和の怪物大隻肥美，海水味及蠔味道非常濃郁，肉質爽甜，after－taste悠長，係我最愛嘅牡蠣！
吞拿魚醬油漬夾日本紫海膽
吞拿魚醬油漬好入味，夾住creamy嘅海膽，配搭特別。不過海膽嘅甜度就唔夠高。
富山灣白蝦配魚子醬
白蝦色澤透明，帶有高雅嘅甜味
油坊主
好罕有嘅深海魚，因為十多公斤重，所以好少餐廳會入貨，我都係第一次食呢！油坊主油香豐腴，同時食落好有咬口，好味！
活北寄貝
估唔到呢晚都幾多貝類食到！北寄貝口感好爽，咀嚼時滲出甜味。
熟成七日鰤魚
鰤魚熟成後肉質更加鬆軟，魚油釋出，好食！
南非鮑魚配蟹膏麵䜴
鮑魚經過4小時嘅慢煮，肉質軟腍，加埋慷慨嘅蟹膏麵䜴，更加突出鮮味！
長崎日本士多啤梨天婦羅
士多啤梨冬天當造，呢個時候甜度特別高！估唔到將士多啤梨裹上薄薄嘅天婦羅漿再拎去炸，再加入海鹽同日本煉奶，會係咁甜咁多汁！
香箱蟹
全晚最令我驚喜嘅莫過於食到只有11月至12月先有嘅香箱蟹，香箱蟹成本高，無諗過$1500都唔使嘅omakase竟然都食到！大抵食啦！師傅細心地拆出香箱蟹蟹膏，蟹卵同蟹肉，味道鮮香，蟹卵口感爽脆鮮味！幸福嘅感覺莫過於此！
拖羅
大拖羅油脂分佈密佈平均，雪花般的花紋充滿魚油脂肪，入口即溶，毫無筋位。
自家製玉子
玉子蛋味香濃，口感似布甸般香滑彈性！可惜太細件唔夠喉呀！
白海膽
日本海膽有好多種，白海膽屬比較昂貴嘅一種。白海膽味道甘甜，色澤金黃鮮明，每一瓣都完完整整，鮮甜十足！
舞茸菇白子湯
汁物亦沒有馬虎，加入含豐富營養嘅白子，暖胃又補身。
芝士味雪糕
好特別嘅味道，芝士鹹香嘅味道好突出，作為甜品出奇地好夾！
张贴
