瀛豐放題料理專門店 (已搬遷) 新店位置

囡囡好耐冇食過放題啦，佢話想食，我就book咗最近人氣旺盛的瀛豐放題，一家三口擦返餐。餐廳都幾受歡迎，而家呢個時勢，門口都keep住人等位。我鍾意呢度款式夠多，先來一盅燉湯暖胃，好足料，所以味道好鮮甜。之後叫咗生蠔同刺身拼盤，同帶子海膽，賣相好靚，十分吸睛，味道都幾新鮮，而且一啲都唔孤寒，每件刺身厚切大大嚿，連蝦刺身都係用大頭蝦，成隻手掌咁大。試咗一round刺身之後，就食下火炙壽司，當中嘅和牛壽司同埋芝士三文魚壽司都係我嘅推介。餐廳除咗有豐富嘅日本菜式外，仲有唔少泰式食物。我就叫咗一口牛、炒椰菜苗同埋滷水豬手，味道都幾正宗。最後甜品試咗豆腐雪糕，豆味香濃，囡囡就食紫米雪條，大家都捧住肚回家。