御三家日本料理 (已結業)

御三家係我幾鍾意既日式餐廳，佢既lunch 非常豐富，仲唔收加一。先黎一人一客沙律，火龍果好甜，醋汁夠晒多，非常醒胃。仲有湯同茶碗蒸，不過茶碗蒸今次味道比較淡，有d 失色。牛肉壽喜燒配白飯一個，個湯味道偏甜，但係拎黎送飯我幾鍾意。牛肉大大片，牛味夠重，仲有滑滑豆腐，菇同埋菜。唯一要彈係個菜太老，不過80蚊唔使有咁多野食，係邊度搵先。