Little Fresh Cafe & Bar (已結業)

同事今日話帶我去食一間好抵又有良心嘅西餐，原來係高氏大廈隔離嘅，一上到去都幾多人食，差不多坐滿，我地叫左2個set lunch。是日餐湯係蜆肉忌廉湯，蜆肉份量多，好鮮甜。田園沙律新鮮爽口，醬汁酸酸甜甜幾開胃。煙燻豬豚肉意粉味道香濃，煙燻豬豚肉好好味，意粉煮到剛剛好，軟硬適中。西班牙豬豚肉與配祕製芥辣醬豬豚肉肥瘦均勻，煎完唔會鞋，切開仲好juicy，加左祕製芥辣醬酸酸辣辣令到豬豚肉味道更好，薯條炸到熱辣辣，香脆可口。雜果水果茶玫瑰奶茶拿鐵飲品都幾大杯，用料足，好飲。