第三站

今日在旺角，又係OpenRice見到依間Cafe多人like ，book枱又有正價餐牌五折，所以便過來金雞廣場25樓試下。其實都唔係咁容易搵到依間餐廳，不過一入門口，侍應已經好好招待，門口見到有一個board game櫃，心情即刻靚晒🤪餐廳播住輕鬆的音樂，坐落嘅枱旁邊有一排嘅三眼仔，超開心！😍今日點左個藍莓果茶、dinner set的煙三文魚野菌忌廉燴闊條麵以及特色小食拼盤，都唔錯！藍莓果茶材料不少，以致沖了幾次都仲有藍莓果味。煙三文魚忌廉燴意粉溫度適中，不會太過油膩。小食拼盤有芝士條，當然要玩下，看看誰「拉」得最長😌，另外，雞翼亦醃得好味，蜜糖使它外脆內軟，其他嘅洋蔥圈、春卷和餃子，亦不錯。在cafe, 食物味道屬中上，但休閑感覺一流，可以喺忙碌嘅旺角成為一個休息的綠洲。下次行過旺角，如果心靈有點攰，我諗我都會上嚟坐下，飲杯果茶休息吓😌P.S. 食完才見到身後有一間大房，看似可以成為party Room，同一班朋友上嚟一齊玩board game，食嘢和吹水，閂埋門又有私人空間，感覺應該都不錯！