辣吧 (已結業)

呢間位於尖沙咀諾士佛臺人氣超旺既川菜，其最主打菜色就係海鮮大咖，包埋六款新鮮海鮮（膏蟹、帶子、鮑魚魷、帶子、鮑魚、海蝦以及花甲）同自選既四款時蔬（芽菜、豆卜、薯條、冬瓜、生菜、白蘿蔔、土豆粉以及金針菇）。而湯底既口味就有三款既選擇，分別係蒜茸、冬陰功、麻辣。小編擔任麻辣小先鋒角色二十幾年，唔洗問阿鬼都梗係揀麻辣口味啦！佢對既麻辣湯底係比較麻小小，小編嗌左小辣程度都食到成頭汗，好彩佢地有提供埋紙巾，如果唔係底褲都要應該要除出黎（利申：平時食譚仔三小辣）/小編真係要讚下佢地鮮甜到不得了既膏蟹，好貼心地將膏蟹分件同埋去除曬所有鰓位，帶埋佢地提供既手套就已經可以開餐。爽口彈牙海蝦佢地都幫你地脱曬殼，依個step睇落好似好簡單，對於想食海鮮又唔想剝殼真係一大恩物。勁厚肉既鮑魚都清洗得十分乾淨、完全食唔到任何沙粒既存在。鋪滿曬蒜蓉同埋粉絲既帶子，配埋麻麻辣辣既湯汁，拍曬手叫曬絕。魷魚筒彈牙同埋份量都幾多，即使兩個人食都唔洗爭！On the other hand, 一直卑海鮮壓住既配菜經過時間熬煮，吸收海鮮既精華同埋湯底既椒麻，超級入味！/大家記得用Instagram & Facebook 打卡辣吧