大滿喜日本料理 (已結業)

已經好耐有一段時間冇食過日式放題，今日終於可以痛痛快快食一次！要知道一間日式放題既水準去到邊，就一定要試下佢既刺身先知！外觀已經好靚，三文魚仲要系厚切，仲有我最愛既甜蝦！本身對生既蝦有少少抗拒，因為之前食過好多唔新鮮既甜蝦，但呢度既甜蝦同赤蝦系今日既最大驚喜！！！真系好新鮮同埋好大隻！但可惜淨系叫左3轉，想叫第4轉但竟然比朋友阻止左。。。除左刺身，羊架都燒得唔錯，唔會太乾，但如果冇陣騷味就好啦！食左半個鐘雖然肚已經有啲飽，但系餐廳真系好凍，所以決定叫個牛奶海鮮鍋暖一暖身。估唔到牛奶同火鍋可以夾埋一齊，個味道可以咁香！！今日真系食到好痛快呀！！！！下次出糧一定要再黎再痛快多一次！！