Espuma (M88)

营业中

休息中

環境嘈雜，似canteen或茶樓，完全冇辦法講野。整個裝潢都怪怪地，似上一手留低D卡位，再僭建些網紅元素，假花牆加霓虹光管字。食物都延續了環境style，得個叫作勉強OK嘅樣。十級中伏，整體難食，連普通茶記水準都冇，好似玩煮飯咁整咗所謂的西班牙菜。西班牙海鮮飯盛惠398蚊，海鮮全部唔夠新鮮，青口冇晒水份，帶子冇味少少梅，蝦軟身。。。慢煮八爪魚變咗油浸，味道算全餐勉強可以接受食得落口嘅嘢。水果茶勁甜，過百蚊嘅甜品係一舊雲，味道都係，伴碟生果極唔新鮮，裡面嘅布丁得個甜字。BTW，唯一值得讚賞嘅係唔使安心出行，紙仔都冇填，實現堂食自由。