拾味正宗刀削麵館 (渣甸街)

营业中

休息中

約咗朋友喺附近交收完，咁啱又到左食飯時間，嗰頭又唔係好熟路，所以就隨心咁搵吓有咩嘢好食，咁啱俾我見到呢間刀削麵，見佢都有幾多人幫襯而已又唔洗排隊，於是就入去試試。餐廳可能開張冇幾耐，環境非常乾淨，落單係透過手機點餐，方便簡單。餐廳嘅刀削麵主要有分湯刀削、麵冷刀削麵、同埋熱刀削麵，冷熱刀削麵係拌麵，可惜我唔係咁食得辣，所以今次我就淨係叫左越式春卷刀削湯麵。《越式春卷刀削麵》🌯🍜刀削麵嘅麵質非常煙韌彈牙，麵條嘅厚度適中，唔會因為太厚而太硬身。湯底唔係咁濃味，偏淡，重口味嘅我要加辣椒油先夠味。最令我驚喜嘅係越式炸春卷，估唔到呢一個價錢竟然有六條越式炸春卷，而且係即叫即炸，大大條，餡料非常充足，配埋個泰式辣椒醬，簡直一絕。平時呢一個價錢係同區嘅其他餐廳都未必食到一碟越式春卷，所以呢個餐係真心抵食。