影片
更多
2020-11-07
2488 浏览
朋友榮升老闆，咁梗係要食餐好嘅賀一賀佢，上網搵咗呢間，貪尖沙咀地方方便，食完又可以行吓街！一入嚟就覺得呢度裝修好特別，佈置得好雅致但同時又有好多日本嘅figure 公仔，睇嚟老闆真係好鍾意日本文化！餐牌有唔少套餐選擇，但見呢個又有龍蝦又有鵝肝咁，超級吸引所以就揀咗呢個嘞！首先嚟到有個清新嘅沙律同埋前菜，沙律菜好新鮮唔會係嗰啲見到都唔開胃嗰隻！不嬲好鍾意食芥辣八爪魚，所以前菜見到有佢即刻心心眼！食物嚟到嗰一刻真係勁開心，即刻打卡，鮑魚同龍蝦都超級生猛，鮑魚手掌咁大隻，仲要係咁郁，啲食材果然非常新鮮！今次為我哋煮嘢食嘅係位女師傅，第一次食鐵板燒係女師傅處理，但都真係唔好睇小佢，功架十足，輕輕鬆鬆就將鮑魚煎好上枱，鮑魚果然夠新鮮，食落好鮮甜，本身嘅鮮味令到我都唔需要再點任何醬汁！ 而且煎得啱啱好唔會過熟過生！再加埋少少葱配搭真係食到停唔到口！跟住就嚟到我期待已久嘅龍蝦，見到佢好熟練就將龍蝦解體，突然師傅話要熄一熄燈，仲叫我哋準備相機，原來因為要放火，完全係一個表演嚟，好精彩！雖然有表演睇但個表演都冇影響到龍蝦嘅質素，同樣煎到岩岩好，鮮甜到一個點，又係唔駛點汁！矜貴食材越食越有，跟住嚟到鵝肝，
餐牌有唔少套餐選擇，但見呢個又有龍蝦又有鵝肝咁，超級吸引所以就揀咗呢個嘞！
首先嚟到有個清新嘅沙律同埋前菜，沙律菜好新鮮唔會係嗰啲見到都唔開胃嗰隻！不嬲好鍾意食芥辣八爪魚，所以前菜見到有佢即刻心心眼！
食物嚟到嗰一刻真係勁開心，即刻打卡，鮑魚同龍蝦都超級生猛，鮑魚手掌咁大隻，仲要係咁郁，啲食材果然非常新鮮！
今次為我哋煮嘢食嘅係位女師傅，第一次食鐵板燒係女師傅處理，但都真係唔好睇小佢，功架十足，輕輕鬆鬆就將鮑魚煎好上枱，鮑魚果然夠新鮮，食落好鮮甜，本身嘅鮮味令到我都唔需要再點任何醬汁！ 而且煎得啱啱好唔會過熟過生！再加埋少少葱配搭真係食到停唔到口！
跟住就嚟到我期待已久嘅龍蝦，見到佢好熟練就將龍蝦解體，突然師傅話要熄一熄燈，仲叫我哋準備相機，原來因為要放火，完全係一個表演嚟，好精彩！
雖然有表演睇但個表演都冇影響到龍蝦嘅質素，同樣煎到岩岩好，鮮甜到一個點，又係唔駛點汁！
矜貴食材越食越有，跟住嚟到鵝肝，見佢配搭埋多士同菠蘿一齊煎，一咬落去，鵝肝充滿油分，入口即溶，用多士墊底好有口感，配搭埋菠蘿食又可以解到個油膩感，呢個配搭真係值100分！
肉類方面我哋揀咗薄燒黑豚肉，師傅話黑豚肉係嚟自熊本，所以非常有肉味！一人三件，份量岩岩好！
我同朋友都係大胃王，聽到師傅話今日啲牛好靚，所以就叫咗半份150g嘅美國頂級牛肉眼扒試吓，一份價錢係$388，半份就$194，師傳果然冇介紹錯，煎到三成熟嘅牛扒真係非常高質，超有肉汁超Juicy！
食個冇咁有罪惡感嘅炒雜菜先！
師傅呢個時候開始準備炒飯，佢話會幫我地整個炸蝦圖案，個炒飯真係好有視覺享受🤣，雖然我哋兩個女仔嚟食但都整咗個心心圖案俾我，果然超級可愛，當然又要瘋狂打卡啦！
炒飯期間仲有頭先用龍蝦頭煮嘅龍蝦湯，一飲真係鮮味到不得了，原來除咗用龍蝦頭煮，仲加咗蜆所以真係淡淡都係精華，味道超級濃郁！
雖然食到超級飽但炒飯真係超級高質，好多配料，啲飯又炒得夠咬口，食落有唔同配搭好正！
最咪仲有雪糕食，食完真係超級飽，但又超級滿足，下次儲夠錢會再嚟食！
最咪仲有雪糕食，食完真係超級飽，但又超級滿足，下次儲夠錢會再嚟食！
张贴
