虎鐵鐵板燒

营业中

休息中

最近鍾意咗食鐵板燒，有朋友都想食幾時約埋一齊收工去happy下。平日晚去到比想像中多人，想坐吧枱真係要預先Book位。意大利玫瑰茶今日食飯送咗個玫瑰茶，清清地好有花香。牛油果海蝦沙律一坐低好肚餓，有個沙律食啱啱好，加咗沙律醋酸酸地好開胃。蟹肉海膽松露糖心蛋糖心蛋嘅蛋黃好流好滑，入面仲有好多蟹肉，好鮮好特別。火焰北寄貝一放上枱點左火，好震撼！等佢火熄咗就可以食，個北寄貝好鮮，咬落去唔韌，連埋啲湯都飲得。活鮑魚配蟹肉海苔醬鮑魚本身已經夠哂開海水嘅鹹鮮味，配埋側邊嘅三文魚子真係好鮮甜，就算點海苔醬都唔會話好鹹。活龍蝦配海膽醬龍蝦嘅生熟度把握得啱啱好，本身已經落咗鹽調味，如果鍾意濃味啲可以點埋海膽醬。日本熊本A5和牛薄燒 和牛薄燒食落去好香，包埋香蔥同埋蒜蓉脆，食落有口感得來好香，一啲肥膩感都冇。刺身帶子豆腐鯛魚湯魚湯好鮮，落足材料煲夠哂濃味，怕魚腥味嘅人，餐廳提供左胡椒粉可以自己加。黑松露三文魚子海膽杯炒飯個炒飯面有滿滿嘅三文魚子同海膽，超豪華！撈埋落炒飯度啖啖都好鮮甜好好食。鐵板梳乎厘雪糕揀咗芝麻味雪糕，超級濃芝麻香，可惜一上菜嘅時候雪糕已經溶緊，食埋個甜品成餐飯好滿足。