影片
更多
2022-07-04
37 浏览
今日喺西營盤附近做完嘢，book咗呢間餐廳同朋友打下邊爐。入到餐廳環境好靚，地方好大。我同朋友被安排去到一個卡座，唔係講笑，個卡座闊落到坐八個人都可以。一坐低就會畀唔同嘅醬料畀我哋自己溝，真係有超級多款式，我印象中有炸蒜，醬油，麻醬，芫茜，辣椒，麻油等等，應有盡有，絕對可以溝出一個完美醬汁。由於我哋係星期三去嘅，餐廳做緊優惠，星期一至四叫佢嘅蜂巢豆腐白湯鍋就可以任加鴨血同埋蜂巢豆腐。作為鴨血愛好者嘅我哋就毫不猶豫揀咗呢個。除咗湯底之外其他餸都係透過qr code手機落單嘅。極品安格斯肥牛 （大） 擺盤擺得好靚，都有成十塊有多，每片都唔會切得好薄，食落重牛味，嫩滑黑松露墨魚滑 好足料，入面仲食到粒粒墨魚，黑松露味好香好出手打雙重芝心丸 好可愛，會有個牌寫住小心爆漿，果然一咬即刻爆漿，好濃芝士味法式龍蝦湯爆漿牛丸呢個配搭好特別，但又出奇地夾，龍蝦味唔會話好重，但係配埋牛丸別有一番風味，不過真係要睇熱呀 黃金炸魚皮 嚟到都好大份，魚皮炸得好香口，鹹蛋黃一啲都唔吝嗇，畀得好多，食落超級香好罪惡 四寶餃拼盤 由於我哋心大心細，於是就叫過拼盤，所有款式嘅餃子都有齊曬，我就鐘意韭菜餃同埋鮮蝦雲吞，勁
由於我哋係星期三去嘅，餐廳做緊優惠，星期一至四叫佢嘅蜂巢豆腐白湯鍋就可以任加鴨血同埋蜂巢豆腐。作為鴨血愛好者嘅我哋就毫不猶豫揀咗呢個。除咗湯底之外其他餸都係透過qr code手機落單嘅。
極品安格斯肥牛 （大）
擺盤擺得好靚，都有成十塊有多，每片都唔會切得好薄，食落重牛味，嫩滑
黑松露墨魚滑
好足料，入面仲食到粒粒墨魚，黑松露味好香好出
手打雙重芝心丸
好可愛，會有個牌寫住小心爆漿，果然一咬即刻爆漿，好濃芝士味
法式龍蝦湯爆漿牛丸
呢個配搭好特別，但又出奇地夾，龍蝦味唔會話好重，但係配埋牛丸別有一番風味，不過真係要睇熱呀
黃金炸魚皮
嚟到都好大份，魚皮炸得好香口，鹹蛋黃一啲都唔吝嗇，畀得好多，食落超級香好罪惡
四寶餃拼盤
由於我哋心大心細，於是就叫過拼盤，所有款式嘅餃子都有齊曬，我就鐘意韭菜餃同埋鮮蝦雲吞，勁足料，裏面勁多蝦同埋韭菜，食得出好新鮮
另外我哋都叫咗金針菇，生菜仲有一個烏冬，食曬所有嘢真係超級飽，因為我哋total都叫咗兩round嘅鴨血同埋蜂巢豆腐，飲品我哋就叫咗一大壺杞子龍眼菊花蜜，唔會好甜，飲到好重菊花同埋龍眼味，好天然而且好解渴好解膩
最後仲會送甜品，係兩碗小小嘅芋圓，但係一啲都唔馬虎，入口煙韌，裏面仲有好多仙草添，食完真係超級滿足。
最值得一讚嘅係呢度嘅冷氣好夠，唔會好似其他火鍋店一樣，食完唔會成身汗。而且火鍋料大部分都可以叫半份，啱曬兩個人去食，唔會驚食唔曬，可以試多啲唔同嘅嘢食。
张贴
