影片
更多
2019-07-06
83 浏览
難得放3日long weekend，梗係要玩到盡啦！全日節目豐富，食完早餐就去海洋公園，免費入場券夜晚包場，玩到成１０點先走。夜晚晚食咩好？好彩搵到銅鑼灣Burgeroom，開到12點先關門。太夜關係，第一次見倒係唔洗排隊入😄。其中一個間唔中就會黎Burgeroom的原因就係呢度有on tap的Guinness飲呀。曬左全日，又玩到咁累，飲返杯冰凍黑啤真係正呀！２人太餓關係，我地Order左2個burger，1份粗薯條。。。薯條新鮮炸起，脆卜卜就香口，真係食唔停口。晚上時段都係散叫，每Burger都係＄92咁，呢個質素，價錢相當合理。Jalapeno Cheese Burger & Guacamole Cheese BurgerBurger已經切好1半，等你食果時唔會太狼狽。牛肉非常juicy，熟既程度剛剛，咬落去牛肉充滿肉汁。加埋生菜﹑蕃茄，食起黎唔會好油膩。整體食物材料非常新鮮！ Burger真係好大份，我食左一半已經飽左。2個burger，３個女仔食就差唔多😅因為就快關門，員工們都忙住打掃清潔。餐廳是半自助形式，有一個高身的Counter top放置水杯﹑水機和醬料。Counte
其中一個間唔中就會黎Burgeroom的原因就係呢度有on tap的Guinness飲呀。曬左全日，又玩到咁累，飲返杯冰凍黑啤真係正呀！
２人太餓關係，我地Order左2個burger，1份粗薯條。。。薯條新鮮炸起，脆卜卜就香口，真係食唔停口。晚上時段都係散叫，每Burger都係＄92咁，呢個質素，價錢相當合理。
Jalapeno Cheese Burger & Guacamole Cheese Burger
Burger已經切好1半，等你食果時唔會太狼狽。牛肉非常juicy，熟既程度剛剛，咬落去牛肉充滿肉汁。加埋生菜﹑蕃茄，食起黎唔會好油膩。整體食物材料非常新鮮！ Burger真係好大份，我食左一半已經飽左。2個burger，３個女仔食就差唔多😅
因為就快關門，員工們都忙住打掃清潔。餐廳是半自助形式，有一個高身的Counter top放置水杯﹑水機和醬料。Counter枱面旁邊有一個開口位，掉垃圾入去的。我見其中一名員工用掃把掃完地後，將個垃圾鏟直接喺果個counter top上面倒入地下掃完既垃圾。其實果個都算係枱面，感覺唔係咁衛生咁。呢度的食物既質素係相當高質既，呢樣係唯一一樣我覺我需要改善既地方。
张贴
