一瀧 (已結業)

一直bookmark左E間日本菜好耐啦, 今晚決定book枱同好姊妹嚟試下, 食番餐好嘅! 餐廳環境好大, 以木色做主調, 天花更有橙紅色嘅楓葉, 滿滿日本秋冬嘅感覺🥰 餐廳劃分為幾個區域, 有廂房適合朋友／家人聚會, 有吧枱可以望住師傅席前烹調食物, 亦有普通座位! 🌟燒薩摩魚餅金黃色嘅魚餅口感軟彈, 帶濃郁嘅魚味, 旁邊附上七味粉蛋黃醬, 沾嚟食更惹味! 🌟料理長發版時令壽司壽司上層有三文魚子, 下面放有吞拿魚蓉同海膽, 成件壽司放係匙羹上面, 一啖擺落口, 食落口感豐富, 鮮味得嚟帶微微紫蘇花香幾清新 🌟一夜干雞翼外皮香脆可口, 食落肉質juicy幾入味! 🌟二人刺身盛刺身盛刺身盛總共有五款唔同既刺身,包括有吞拿魚／赤身／深海池魚／牡丹蝦／鰹魚同伊佐目, 每款都好厚切, 相當新鮮, 車車就最中意口感爽彈嘅伊佐目! 🌟棉花糖壽喜燒終於到左成餐飯嘅主角啦, 成日見人地打卡! 車車同朋友特登加錢加棉花糖, 一上枱嘩～不得了, 睇住個棉花糖溶係壽喜燒湯入面好自癒😆 和牛油脂紋理集中且雪花均稱, 食落香濃入味, 油膩甘香, 嚼勁十足, 沾上蛋漿真係無得輸! 鍋入面既配菜都好多, 有娃娃菜/