美孚。友樂鮨 (已搬遷) 新店位置

之前聽朋友講話美孚有隱世高質嘅日本料理，鍾意食刺身嘅我當然要去試一試！😍由於今日下晝得閒就試吓食lunch，我同老公一個食omakase, 一個叫咗壽司定食10貫。Omakase 方面，雖然$550望落去有啲貴，但食完之後真係覺得物超所值！首先佢嘅刺身幾特別，唔似普通壽司店來來去去都係嗰啲。好似有日本倉魚，魚肉堅實，而且有獨特嘅魚香😍。而宮崎縣赤貝肉質爽口鮮嫩，而中吞拿魚腩油脂分布嘅平😋均，入口即溶，食完成個口都充滿魚油香。壽司方便比較特別嘅有醋漬過嘅鯖魚，配合薑容同白昆布一齊食，帶出咗魚嘅鮮甜同增加唔同嘅口感👍🏻 而鮮秋刀魚味道較濃，但充滿秋刀魚獨有嘅魚香，感覺好新鮮！🤩重有松葉蟹肉壽司配合紫蘇花同小啫喱，蟹嘅鮮甜香味同紫蘇花香好夾！最後不得不讚嘅係最後上嘅碎蔥拖羅、海膽、三文魚子丼❤️❤️用料新鮮不在話下，而且量都好多，尤其係海膽，我叫師傅差唔多成板咁放落去，勁鮮甜！😍而壽司定食方面，都幾出色，例如甘蝦壽司，配合蝦膏、蝦子一齊食，真係勁香，中和左蝦嘅鮮甜👍🏻而鰤魚壽司聽師傅講出邊好難食到，係㗎特別嘅品種，我食落有特別嘅魚味，感覺清爽！另外右口魚邊壽司充滿驚喜勁好食！佢嘅魚香同口感都一流