影片
更多
2017-06-21
74 浏览
上次同朋友盲中中入黎試過後，印象大好！所以臨近父親節，老公問帶老爺去邊度食飯好，我都心思思想再來。。。（因為上次見隔離個 Pasta 好靚，好想再來試下！私心私心！）雖然住在東九龍，但老爺從來不知原來觀塘已有這麼多樓上食肆，開初同佢講話帶佢到工廈慶祝父親節，佢都少少質疑話：「工廈有嘢食咩？係咪工友大排檔？污唔污糟㗎？」好在後尾帶到佢上來時，佢都話地方好光猛、舒服企理、環境又好坐又幽靜好啱一家人傾計！我打來訂位時，已經問過父親節係咪好似出面絕大部份食肆嘩，會出特別（貴）餐牌？但小店真的好有良心，沒有趁機掠水只係同平時一樣，有套餐有散叫，任君選擇，價格亦跟往常晚市一樣無加價，仲換咗少少款式添！抵讚！老爺奶奶少吃西餐，所以今晚老公叫我發辦，根據家人的食材喜好，幫佢地點了幾個晚餐：首先一來，每人一份的頭盤，係 Parma ham melon !我先醒起：噢！賴嘢！我老公同我老爺都有蜜瓜敏感，一食就喉嚨痕㗎！即時同餐廳經理講：「唔好意思，我點餐時太大意，沒想起，但我家兩個男人不能吃蜜瓜。。。👉🏻👈🏻」經理好好人，雖然已經準備好了，盤都擺埋，亦完全無介意，仲話即刻幫我睇下點樣換過第二樣，後來入廚房
印象大好！
所以臨近父親節，老公問帶老爺去邊度食飯好，
我都心思思想再來。。。
（因為上次見隔離個 Pasta 好靚，好想再來試下！私心私心！）
雖然住在東九龍，
但老爺從來不知原來觀塘已有這麼多樓上食肆，
開初同佢講話帶佢到工廈慶祝父親節，
佢都少少質疑話：「工廈有嘢食咩？係咪工友大排檔？污唔污糟㗎？」
好在後尾帶到佢上來時，佢都話地方好光猛、舒服企理、環境又好坐又幽靜好啱一家人傾計！
我打來訂位時，
已經問過父親節係咪好似出面絕大部份食肆嘩，會出特別（貴）餐牌？
但小店真的好有良心，沒有趁機掠水
只係同平時一樣，有套餐有散叫，任君選擇，價格亦跟往常晚市一樣無加價，仲換咗少少款式添！抵讚！
老爺奶奶少吃西餐，所以今晚老公叫我發辦，根據家人的食材喜好，幫佢地點了幾個晚餐：
首先一來，每人一份的頭盤，
係 Parma ham melon !
我先醒起：噢！賴嘢！我老公同我老爺都有蜜瓜敏感，一食就喉嚨痕㗎！
即時同餐廳經理講：「唔好意思，我點餐時太大意，沒想起，但我家兩個男人不能吃蜜瓜。。。👉🏻👈🏻」
經理好好人，雖然已經準備好了，盤都擺埋，亦完全無介意，仲話即刻幫我睇下點樣換過第二樣，後來入廚房了解過後，馬上殷切的出來問我如果照食 ham 但走蜜瓜，另用新鮮沙律菜幫我即撈個沙律墊底好唔好！
當然好啦！其實係我自己唔小心無留意，
唔一早提出，到人地店家已經出了菜先話要換，
幫我係人情，唔幫先係道理！
所以真的非常感謝好好人的樓面經理咁幫忙，
小店這等服務太貼心了！
然後上餐湯，
老爺的松露野菌湯，
奶奶的法式洋蔥湯，
兩老都話好好味！
我同老公都要龍蝦湯。
龍蝦湯超有水準，
質感不過稠，
又唔似出面多數都過鹹！
龍蝦味好出好鮮，
仲有好多龍蝦肉粒！
飲埋餐單就上了兩個散叫的前菜：
西班牙烤乳豬是我上次食過好味向大家推薦的，
今次仍然是皮脆肉嫩！
配蘋果蓉來吃，不會覺得油膩！
正！
德國脆皮鹹豬手是老公和老爺的至愛，
廚師處理得非常之好！
個皮酥脆到不得了，
鹹味適中，肉質軟硬剛好，
特別時帶筋的位置爽口煙筋，
十分好吃！
然後最先上的主菜是奶奶的 ：
香煎海爐魚 配 蕃紅花海鮮汁闊條麵！
一如上次，擺盤好有心機，配菜多樣化，
聞落好鮮味的海鮮汁，
連平時一啲都唔鍾意食西餐的奶奶都話非常好吃！
一個人好快就食哂成碟（平時晚飯食兩匙更飯㗎咋佢！）
仲連老爺話叫佢分兩啖試下佢都唔制！好攪笑！
到老爺的羊架，
主角話 medium 生熟程度控制好好，
肉嫩有汁，配菜樣樣好味！
最後連一塊葉都食哂！
老公的NZ Beef Rib Eyes 一樣吸引，
擺盤精緻，鮮製薯餅連一向麻麻地薯仔的老公都讚好味，
肉眼亦軟淋多汁，
唯一不足係大胃王表示唔夠喉。。。
來到我的主菜就是這個上次錯過了，
今次一心要來試返的：香煎大虎蝦配龍蝦汁意粉！
講真，真係太好食了！
首先個汁超重龍蝦味，好鮮甜，
再配埋 sun dried tomato 來煮，那濃鮮茄香，將龍蝦味帶得更出，微微帶甜的調味令成個味覺配搭好和諧！
意粉的質地完全是 perfect Al Dente，掛汁度亦非常滿意！
虎蝦爽口彈牙，超正！
根本我一碟都唔夠喉，仲要被我對面個大胃王偷咗我兩箸！
我一定要再來食多次呢個！
我一定要再來食多次呢個！
我一定要再來食多次呢個！
（重要事情講三次！）😤
甜品選了 ： 現做糖漬栗子 crepe + 栗子雪糕！
Crepe 是薄脆型，好重麥香，
Caramelised chestnut 香甜粉嫩，
配上雪糕同吃，太幸福了。。。
张贴
