CHUTNEY

今次真係俾我搵到寶喇！呢間餐廳啲印度菜真係做得好出色，每一啖都食得出用心製作，好有驚喜！🍽️ Raj Kachori：估唔到個前菜咁有睇頭！睇落勁似甜品！酥脆嘅外皮包住滿滿嘅餡料,有埋蘋果嘅清新，加埋特製醬汁，酸酸甜甜，層次感好豐富，一嘢就食晒成個！🦐 Tawa Prawn：啲蝦煮得啱啱好，肉質爽彈，配埋香濃嘅香料醬汁，好惹味！🐔 Malai Chicken Tikka：呢個必試！雞肉超嫩滑，入口即溶咁滯，配埋個乳酪醬，味道好平衡，食完仲想Encore！🍖 Lamb Shank Naili Nihari：嘩，呢個羊膝咖喱真係不得了！羊肉燜得好腍，輕輕一碰就骨肉分離，咖喱味濃郁得嚟又唔會蓋過羊肉本身嘅鮮味，水準勁高！🥖 Plain Naan & Tandoori Roti：食印度菜點少得Naan同Roti吖！兩款都烘得好香脆，點埋啲咖喱真係一流，大滿足！