影片
更多
2018-03-20
119 浏览
當其中一個好朋友係住屯門，而自己住喺長沙灣嘅時候，要約出嚟食飯其實都唔容易，特別係我哋兩個最近工作都好忙碌。但為咗出嚟見吓面，好啦，一人行一半，一於去荃灣西鐵站嗰邊食好西今次餐廳係朋友揀嘅，佢一早訂好咗位，同餐廳嗰邊講budget around $1500，叫師傅揸主意，最緊要食材新鮮又好食，全靠我朋友，我先知道原來香港都可以有咁好質素嘅Kaiseki(懷石料理)我朋友話，你呢度食懷石料理嘅話，最低收費其實＄800都可以，不過既然同姊妹食，當然要食好少少啦一去到餐廳，覺得門面好用心佈置，入面座位亦十分舒適，一坐低服務員就好貼心咁為你奉上熱茶，因為我哋一早揀咗食懷石料理，服務員亦會先問下你有咩唔鍾意食，或者食物敏感，非常貼心其實除咗懷石料理，walk in嘅話，都有好多唔同種類嘅食物，二人餐$688，水產、燒烤食物、酒水等等，選擇都有好多同服務員交流左一陣之後，好快就有得食野食了，首先係前菜，服務員好貼心咁逐樣食物介紹俾你知，又會建議食嘅先後次序，服務用心亦有禮首先食嘅係酒煮海螺，雖然呢個係熟食，但依然食到海水同埋螺嘅鮮甜，第一樣嘢食已經好有驚喜，跟住食嘅就係右上角嘅海綿蛋，佢入面係有蝦
今次餐廳係朋友揀嘅，佢一早訂好咗位，同餐廳嗰邊講budget around $1500，叫師傅揸主意，最緊要食材新鮮又好食，全靠我朋友，我先知道原來香港都可以有咁好質素嘅Kaiseki(懷石料理)
我朋友話，你呢度食懷石料理嘅話，最低收費其實＄800都可以，不過既然同姊妹食，當然要食好少少啦
一去到餐廳，覺得門面好用心佈置，入面座位亦十分舒適，一坐低服務員就好貼心咁為你奉上熱茶，因為我哋一早揀咗食懷石料理，服務員亦會先問下你有咩唔鍾意食，或者食物敏感，非常貼心
其實除咗懷石料理，walk in嘅話，都有好多唔同種類嘅食物，二人餐$688，水產、燒烤食物、酒水等等，選擇都有好多
同服務員交流左一陣之後，好快就有得食野食了，首先係前菜，服務員好貼心咁逐樣食物介紹俾你知，又會建議食嘅先後次序，服務用心亦有禮
首先食嘅係酒煮海螺，雖然呢個係熟食，但依然食到海水同埋螺嘅鮮甜，第一樣嘢食已經好有驚喜，跟住食嘅就係右上角嘅海綿蛋，佢入面係有蝦嘅，配埋啲蛋，甜甜地感覺似蛋糕，都唔錯嘅，然後就係嗰隻蟹仔啦，好似零食嗰啲咁，不過調味冇咁重，識到佢原本嘅蟹味，脆卜卜，好得意
食完一樣接一樣，之後上菜嘅係刺身，首先食嘅係池魚他他，呢個要推介下，佢入面係撈左啲特別調制嘅薑蓉，估佢唔到原來咁夾。然後就係了鳥背刺身，第一次食，味道十分鮮甜。而佢嘅拖羅，係我全場最鍾意嘅嘢食，佢絕對係做到入口即溶，最勁嘅係佢lasting taste真係好耐，食完成分鐘，啲拖羅味依然停留係個口入面，服務員姐姐話佢哋啲刺身一定係揀冰鮮instead of 急凍，好大分別嫁
三款壽司都各有特色，而我最欣賞嘅係烏賊、同埋火炙左口魚裙邊壽司，烏賊壽司中間就夾左塊紫蘇葉，感覺好清新，而我覺得左口魚裙邊最好味，輕輕燒一燒，魚油嘅香味出晒嚟，真係不得了跟住就開始熟食了，第一道係曹以魚
呢條魚勁啊，用秘製醬汁，一邊燴魚，一邊等啲汁滲入去，再配埋個有蘿蔔泥嘅酸汁，好開胃，相信呢條魚好考師傅嘅刀工，幾乎係冇骨嘅，啖啖肉，無得頂
之後就到天婦羅啦，唔好以為好普通，其實都大有來頭嫁，佢用竹花蝦，仲要係係餐廳魚缸養住嘅，要煮嘅時候先新鮮拎去炸，所以肉質好肥美，絕對唔似出面嗰啲，得個粉漿，就連個蝦頭，都食得架，都係脆卜卜，好惹味，然後有個冰菜，之前都聽過㗎啦，估唔到將冰菜都可以加入天婦羅嘅一份子，好好味，然後最右手邊嗰個，係用唐揚嘅做法，真係唔記得係咩魚，但食落質地好似雞肉咁，啖啖肉。呢間餐廳真係做得好認真，食幾件天婦羅，都有幾種唔同嘅配搭，好似係將啲蘿蔔蓉加入天婦羅汁，又或者可以沾海鹽，想開胃啲嘅，加啲檸檬汁都冇問題
食咗燒魚同天婦羅之後，開始有少少覺得有DD口乾，原來一切都係師傅預料之內，所以準備左呢個叫蓩菁，作中場休息
呢個賣相好勁啊，服務員介紹，話呢個其實係用蘿蔔做嘅，好考師傅嘅刀工，先至可以做到呢個質感，負責調味嘅綠色汁，原來都係用蘿蔔上面嘅莖部做嘅，清清地，平衡返之前嘅油膩，原來咁平嘅材料，只要師傅用心烹調，都可以做出咁高尚嘅食物，再配埋魚子同埋金箔，簡直係錦上添花
跟住到戲肉了，係我最期待嘅部份，就係蟹蓋同埋鮑魚啦，鮑魚都係喺餐廳一直養住嘅，食嘅時候先新鮮撈上黎，係你面前即場燒，一放啲鮑魚上去燒嘅時候，啲鮑魚即刻郁嚟郁去，直頭好似異形咁，的確係好新鮮，用燒嘅方式去食鮑魚，可以保留到鮑魚嘅原汁原味，同時亦燒到鮑魚邊脆脆地，好好食
仲有個蟹蓋啊，上面有新鮮嘅蟹膏，海膽，蟹子同埋鵪鶉蛋等等，食嘅時候，服務員會將入面所有野撈勻，再擺上路上面燒，服務員仲好細心咁慢慢將啲蛋殻撈上嚟
呢個真係不得了，心諗如果有白飯撈就好了，呢個真係必食嫁
食到呢度都七七八八了，服務員問我哋想食野菜烏冬定係鰻魚炒飯，我哋就揀咗鰻魚炒飯，佢用咗日本米，炒出嚟一啲都唔油膩，好乾身，每啖都食到有鰻魚粒，一啲都唔馬虎嫁，份量不多不少，剛剛好
最後當然唔少得甜品啦，師傅為我地製作左三款唔同種類嘅和菓子類，第一款式嘅係椰子口味嘅和果子，跟住就有經典嘅黃豆蕨餅同埋紅豆和菓子，我朋友好滿意黃豆蕨餅，而我就最鍾意紅豆和菓子，紅豆甜度剛剛好，和菓子夠煙un，食完真係好滿足
雖然喺度食嘢真係高消費，但食到咁新鮮嘅食材，耐唔耐一次都真係好值得，當然啦，除咗食物，呢度嘅環境同埋服務質素都應記一功，我哋食足兩個半鐘，每一位服務員都照顧得非常周到，主動向你介紹各種食物以及先後次序，更換乾淨碟，見你杯茶凍左，仲主動幫你換過杯熱茶，係香港真係好少見，價錢雖然貴，但我同朋友都俾得好樂意，正
张贴
