影片
更多
2020-11-11
40 浏览
朋友喺旺角返工，收工就約咗佢去食晚餐，佢話見我之前食過銀行中心嗰間越南野，好似好好味，所以佢都好想去食，所以今晚我哋就食越南野啦。本來約咗六點，我早咗少少去到餐廳等佢，原來六點前仲有下午茶嘅，同晚餐差唔多款，以價錢會更加之抵食，所以我點定先等埋朋友嚟。特登點左生牛肉湯粉，而朋友就揀咗原隻大蝦菠蘿焗飯，雖然揀咗兩個下午茶餐，但呢度嘅招牌魚都想試吓，所以另外在點左一條香茅燒烏頭魚，再點多兩杯嘢飲就啱啱好啦。生牛肉湯粉好快就上枱，另外有個杯裝住啲生芽菜，香葉同辣椒等等，可以自己按照自己想要嘅辣度倒入湯粉裏面，個湯熱辣辣飲番啖真係好爽呀，生牛肉都好嫩滑，湯粉亦都好爽口彈牙，真係又好味又抵食。而呢一個原隻大蝦菠蘿🍍焗飯亦都係冇得頂，要賣相有賣相，要好味又好味。原隻大蝦有三隻鋪面，大大隻烤得好味，焗飯係炒飯底，混埋菠蘿香真係好香。特別要講嘅就梗係要講下呢條香茅燒烏頭魚啦，佢真係好好味，外皮香脆，內裏醃咗好多香茅，令到成條魚都充滿着香茅的味道，而且肉質鮮嫩，點上越式嘅醬料，真係別有一番風味。另外我哋再點左兩杯三色冰，邊聊邊吃邊飲，呢度嘅環境都好舒適，地方亦都很適合三五知己一齊食飯，朋友對呢間餐廳都讚
本來約咗六點，我早咗少少去到餐廳等佢，原來六點前仲有下午茶嘅，同晚餐差唔多款，以價錢會更加之抵食，所以我點定先等埋朋友嚟。
特登點左生牛肉湯粉，而朋友就揀咗原隻大蝦菠蘿焗飯，雖然揀咗兩個下午茶餐，但呢度嘅招牌魚都想試吓，所以另外在點左一條香茅燒烏頭魚，再點多兩杯嘢飲就啱啱好啦。
生牛肉湯粉好快就上枱，另外有個杯裝住啲生芽菜，香葉同辣椒等等，可以自己按照自己想要嘅辣度倒入湯粉裏面，個湯熱辣辣飲番啖真係好爽呀，生牛肉都好嫩滑，湯粉亦都好爽口彈牙，真係又好味又抵食。
而呢一個原隻大蝦菠蘿🍍焗飯亦都係冇得頂，要賣相有賣相，要好味又好味。原隻大蝦有三隻鋪面，大大隻烤得好味，焗飯係炒飯底，混埋菠蘿香真係好香。
特別要講嘅就梗係要講下呢條香茅燒烏頭魚啦，佢真係好好味，外皮香脆，內裏醃咗好多香茅，令到成條魚都充滿着香茅的味道，而且肉質鮮嫩，點上越式嘅醬料，真係別有一番風味。
另外我哋再點左兩杯三色冰，邊聊邊吃邊飲，呢度嘅環境都好舒適，地方亦都很適合三五知己一齊食飯，朋友對呢間餐廳都讚好不絕，下次可以約多幾個朋友一齊來食啦。
张贴
