老蔡台灣牛肉麵x茶茶滾

营业中

休息中

心血來潮好想食台灣料理，記得之前喺大尾篤見到呢間“老蔡台灣牛肉麵x茶茶滾”，決定一試！環境唔錯，大尾篤巴士總站行過去大約兩分鐘，地理位置非常方便。門口有杯巨型珍珠奶茶模型，吸睛！食店有室內或戶外區域，如果天氣涼涼哋坐出面食嘢你都咪話唔chill。室內環境整齊清潔，店員服務熱情，有禮親切，感覺舒適。第一碗麻辣鴨血湯冬粉，湯頭麻辣溫和，唔會太辣；鴨血大大塊，又夠飽滿，口感嫩滑；冬粉Q彈，吸附湯底一並食用，美味極了！第二碗蟹黃油乾拌麵，蟹黃油香，色澤金黃，醬汁鮮味香濃，麵底跟黃油蟹醬混和一體食用，超級好味！當然仲有必食台灣駐名小食 - 九層塔鹽酥雞， 外皮酥脆不油膩，薄薄嘅粉漿包著嫩滑多汁嘅雞肉，加上仲有酥炸頂級花枝丸，大大粒嘅花之丸炸到香脆可口，簡直係人間極品，最啱一路傾計一路食！今次真係大滿足！