影片
相关文章
今日冇嘢做同老婆入大美督行吓，因为好耐冇嚟过，见到呢间台湾嘢新开一于试吓，舖头标榜大良牛骨及药材汤，一于试吓去个牛肉面，平时去台湾都会周围试吓人哋啲牛肉面，但系香港试过几间就系麻麻哋。我上网睇到有人话可以加溏心蛋，我又试吓+1只$15 ，店员话喺兰王牛肉面因为我叫走酸菜走萝卜，所以乜都冇，嚟到试吓个汤头，好浓药材，好浓郁牛骨味，有微微辣，好正，牛腱肉超腍，入口即化，糖心蛋流心，早知加多只。另要咗个车花椒香麻辣干拌面配卤水鸡翼，我问店员可唔可以加多条肠？佢话平时唔得，我话俾钱得唔得佢话问吓老细，跟住回覆我老细话请我食，但系下次唔可以咁叫😱所以我决定上嚟写个review赞扬下以表多谢。鸡翼卤得好入味，另外个干布面真系油麻又香，又少少辣，呢个真系超级好食，好难得喺大美督竟然会揾到一间咁好食嘅台湾菜。
继续阅读
心血来潮好想食台湾料理，记得之前喺大尾笃见到呢间“老蔡台湾牛肉面x茶茶滚”，决定一试！环境唔错，大尾笃巴士总站行过去大约两分钟，地理位置非常方便。门口有杯巨型珍珠奶茶模型，吸睛！食店有室内或户外区域，如果天气凉凉哋坐出面食嘢你都咪话唔chill。室内环境整齐清洁，店员服务热情，有礼亲切，感觉舒适。第一碗麻辣鸭血汤冬粉，汤头麻辣温和，唔会太辣；鸭血大大块，又够饱满，口感嫩滑；冬粉Q弹，吸附汤底一并食用，美味极了！第二碗蟹黄油干拌面，蟹黄油香，色泽金黄，酱汁鲜味香浓，面底跟黄油蟹酱混和一体食用，超级好味！当然仲有必食台湾驻名小食 - 九层塔盐酥鸡， 外皮酥脆不油腻，薄薄嘅粉浆包著嫩滑多汁嘅鸡肉，加上仲有酥炸顶级花枝丸，大大粒嘅花之丸炸到香脆可口，简直系人间极品，最啱一路倾计一路食！今次真系大满足！
继续阅读
黎到大尾督踏单车之前就紧系系呢边食埋饭啦😄 中意佢好贴近大自然同埋多餐厅可以带狗狗😊 好想饮手摇饮品, 仲有牛油果🥑呢间台式餐厅就岩哂我地喇😋1/ 蕃茄筯肉双盛牛肉面🐮 $96牛肉超嫩滑而且好入味, 蕃茄汁酸甜度岩岩好完全渗入牛肉内, 牛筋唔油腻, 份量都唔少👍🏾2/ 香酥排骨葱油干拌面🐷 $84香酥排骨够香口又唔干, 葱油满满令整个面超香, 好似食紧捞面咁👍🏾3/ 黑糖小馒头配炼奶(三件)🥖 $36简简单单既小馒头带有淡洣既黑糖味, 配上少许炼奶好满足😋4/ 芋泥肉松起司蛋饼🍳 $74超级足料既蛋饼, 外脆内软皮又够薄, 肉松既量都唔少, 层次孓口哂分明, 大推！5/ 特厚芋泥鲜奶🍠 $42超顺滑既奶昔, 饮落又唔会好甜但芋泥味好出, 一杯唔够好想叫多杯🥹6/ 牛油果奶昔🥑 $50牛油果味香浓, 仲有好多牛油果肉系入边, 好正😋
继续阅读
估唔到有台式饮品同台式餐厅喺大尾笃出现，去完龙尾沙滩，嚟呢度饮杯台式饮品真系好爽，睇嚟呢度嘅老板系周杰伦粉丝，有一啲套餐超抵食系用周杰伦嘅歌名黎改名的 ，套餐嘅面食可以拣刀削面、台湾面、粉丝和冬粉 好多元化😆而且面食好大碗，我哋叫咗开不了口套餐，非常丰富，有几款台湾小食，台湾肠，炸花枝丸炸番薯条 样样都可以试到 而且新鲜热辣👍好好味❤️ 另外好推介呢度嘅蛋饼，非常大份，而且材料好丰富，好饱满，芝士拉丝的 👍同样即叫即整木瓜鲜奶好fresh，食得出水果好新鲜😍营养好丰富
继续阅读
🥢蕃茄特选腱心牛肉面，一上枱就闻到好香嘅蕃茄味，汤底红卜卜，望落已经好开胃。饮啖汤，哗，好浓郁嘅蕃茄味，酸酸甜甜咁，好refreshing！佢哋用嘅系特选腱心牛肉，煮到好腍好入味，一啲都唔韧，而且份量都几多，啖啖肉，好满足！面条方面，佢哋用嘅面好挂汤，食落好有口感。成碗面嘅配搭，真系perfect match，喺冻冻哋嘅天气食，成个人都暖笠笠，好舒服！🥢冻鸭屎香手打柠檬茶：其实「鸭屎香」系一种茶叶嘅名，佢嘅特色系带有淡淡嘅花香味。呢杯柠檬茶，一饮落去就觉得好清香，柠檬嘅酸味同茶嘅甘味mix埋一齐，好match！而且佢哋系用手打嘅，所以啲柠檬味特别出，饮完之后成个人都醒晒，啱晒食完heavy嘢之后解腻！🥢台式酥炸花枝丸：佢哋嘅花枝丸炸到金黄色，外皮好酥脆，咬落去卜卜脆，入面嘅花枝好弹牙，仲有少少juicy，加埋胡椒盐，味道啱啱好，唔会太咸！🥢冻牛油果奶昔：呢个系我嘅健康之选！牛油果本身嘅营养价值好高，而且佢哋嘅奶昔打得好creamy，好香滑，牛油果味好浓郁，但又唔会太腻。饮嘅时候，可以感受到牛油果嘅天然香味，好舒服。如果你想饮啲健康啲嘅嘢，呢个绝对系一个唔错嘅选择！🥢台式卤肉饭：肥而不腻，捞饭一流！！佢哋嘅卤肉饭偏湿润，卤肉系半肥瘦嘅，食落肥而不腻，入口即化，而且卤得好入味，好香！捞埋啲饭一齐食，真系perfect match，我可以食到两碗都唔够喉！佢哋仲加咗啲酸菜，可以解腻，令成碗饭嘅味道更加丰富。听讲正宗嘅卤肉饭，卤肉系要用脢头肉同猪皮碎去卤嘅，咁样先够油香。🥢香酥盐酥鸡：外皮好香脆，入面嘅鸡肉好嫩滑，而且调味调得好好，唔会太咸，又唔会太淡，钟意食盐酥鸡嘅朋友，绝对不能够错过！
继续阅读
您可能会有兴趣的...