火鍋先生 (已結業)

試試厚福街H8嘅港式火鍋店～肉類高質，仲有生蠔🦪、刺身。✨雙拼鍋底 🔸皮蛋芫茜鍋🔸美顏養生豆乳白鍋皮蛋芫茜鍋完全滿足到芫茜控。芫茜越煮越甜，湯底又越嚟越有茜味。豆乳白鍋味道清甜，配蔬菜好食。仲有細細件超甜木瓜。✨食肉獸拼盤豬x2、牛x3、羊每日嘅款式都會唔同。呢日係豚肉片、豬膶、牛黃喉、手切肥牛、牛板腱、羊肉卷。豚肉片肥瘦適中，一啲都唔羶。豬膶軟嫩唔腥。✨牛黃喉口感爽脆。手切肥牛肉質軟嫩，相對地牛板腱就肉味濃啲。羊肉卷就冇咩羶味喇。✨唐生菜大大盤兩個人食啱啱好。✨磯煮鮑魚鮑魚吸收晒醬汁甜味，仲有配埋鮮味嘅鮑魚肝醬。✨生蠔（6隻）日本生蠔海水味好重，而且蠔肉幾厚身。