大滿喜日本料理 (已結業)

同大胃王朋友食飯就簡左食呢間放題，一定塞飽佢😂呢度野飲都幾多選擇，有凍有常溫有熱茶，同清酒梅酒，梅酒幾香唔錯！沙律前菜甜品都係門口自己拎，又得自己唧雪糕，平時放題得乳酪雪糕但呢度仲有榴槤都幾正，不過就唔算太重味刺身壽司卷物都叫咗大路嘢，刺身好新鮮又肥美可以瘋狂食。卷物好多好特別值得一試！今次食放題，竟然係encore熟食多過刺身🙈熟食天婦羅燒物都好出色特別要講嘅係羊架，唔會柴又厚肉又唔會燒得過龍。炸榴槤波波流心又足料，陣榴槤味會留喺口到勁耐，榴槤控必食！芝士年糕好大粒，燒鰻魚冇骨勁正！反而海鮮粥就麻麻，食得出蟹冇一起煲，但蟹肉鮮甜！甜品就芝士蛋糕同心太軟食左幾次，配乳酪雪糕一流！