燐寿司

营业中

休息中

今晚去咗荃灣隱世日本料理，真係正到爆燈！首先點咗個**「大滿足壽司定食」，一上枱就嚇親——擺盤靚到唔捨得食！有齊**拖羅、海膽、牡丹蝦、帶子**，火炙左口魚邊**，油香爆棚，入口即溶！壽司飯握得剛剛好，醋味溫和，同魚生完美配合。最驚喜係件**中拖羅**，脂肪分布均勻～ 跟住個「汁燒鮮鰻魚定食」都冇得輸！鰻魚厚身到呢，外皮燒到微脆，肉質嫩滑得嚟又唔散，醬汁甜鹹適中，唔會蓋過魚香。撈埋珍珠飯食，真係一啖接一啖，成碗清晒！定食仲跟咗茶碗蒸同味噌湯，蒸蛋滑溜溜，材料鮮味！最後加咗個「甲羅燒配燒米餅」蟹膏滿到瀉，混咗蟹肉同少少蔥，鹹香濃郁。搽上脆卜卜嘅米餅，一啖咬落去，蟹膏嘅鮮味爆發出嚟，邪惡到極點！