磯野水產

营业中

休息中

今晚朋友請食飯, 於是就搵間食日本菜嘅居酒屋嘆下, 餐廳座落銅鑼灣澳門逸園中心. 餐廳環境唔算太大, 但裝修好有日式居酒屋Feel, 3年無去日本朝聖, 唯有黎呢間”磯野水產”感受一下日本新鮮海產嘅味道前菜 – 店員有介紹係用多春魚同沙甸魚混合而成嘅鯷魚醬, 目測似蟹膏, 味道都差不多, 但無蟹膏咁濃, 就咁食會覺得有D 咸. 所以配上蘿蔔條黎食, 可以中和一下.刺身盛合: 三文魚, 吞拿魚腩, 赤貝, 壬丹蝦, 海膽, 帶子, 每一款刺身都新鮮, 厚切, 肥美, 入口啖啖刺身鮮味, 重有豐富嘅魚油, 真心好食. 響螺剌身 –口感韌中帶脆，十分爽口，而且鮮甜無比.