影片
更多
2018-11-11
55 浏览
上星期晚晚ot,難得有一日早d收工,老細竟然話:"見你地做得咁辛苦,不如今晚落居酒屋食飯,最多我請！"哇,好野,難得老細請,緊係有大食大啦!講食小妹最在行架啦!其實之前見到cwb開左間居酒屋食燒肉,好似好正咁! 我想試好耐架啦! Mokumoku Yakiron, 專食日式豚肉肉既,一于介紹老細去果度食!去到一坐底,店長就比左個小食我地食! 個酸汁番茄好夠凍,番茄好fresh,上面有洋蔥粒+蔥粒,再配埋d酸汁一齊食,真係好開胃,即刻變得好肚餓!既然落到黎食串燒,點可以無啤酒飲呢? 食日本野就一定要叫生啤,我地一人叫左杯Sapporo生啤飲,送燒肉,一流啊!好想快d食野啊,極之肚餓!呵...估唔到老細竟然話想食海鮮同燒魚!第一樣就問店長有咩時令燒魚好食! 哇...正啊! 估唔到老細竟然會食燒魚! 店長話秋天就當然食喜知次啦，而家食就最好味架la! 喜知次喎聽到都好味! 燒過既喜知次魚皮好香,但燒完魚肉唔會硬,唔會干,d肉仲好鮮嫩多汁,魚味好濃! 最好味既係,d魚骨魚邊都燒得好脆,真係連骨都可以食埋!Yummy!海鮮呢,我同事點左個汁燒扇立貝,廚師燒得極之好!扇立貝切開肉身同裙邊,肉質燒到
講食小妹最在行架啦!其實之前見到cwb開左間居酒屋食燒肉,好似好正咁! 我想試好耐架啦! Mokumoku Yakiron, 專食日式豚肉肉既,一于介紹老細去果度食!
去到一坐底,店長就比左個小食我地食! 個酸汁番茄好夠凍,番茄好fresh,上面有洋蔥粒+蔥粒,再配埋d酸汁一齊食,真係好開胃,即刻變得好肚餓!
既然落到黎食串燒,點可以無啤酒飲呢? 食日本野就一定要叫生啤,我地一人叫左杯Sapporo生啤飲,送燒肉,一流啊!好想快d食野啊,極之肚餓!
呵...估唔到老細竟然話想食海鮮同燒魚!第一樣就問店長有咩時令燒魚好食! 哇...正啊! 估唔到老細竟然會食燒魚! 店長話秋天就當然食喜知次啦，而家食就最好味架la! 喜知次喎聽到都好味! 燒過既喜知次魚皮好香,但燒完魚肉唔會硬,唔會干,d肉仲好鮮嫩多汁,魚味好濃! 最好味既係,d魚骨魚邊都燒得好脆,真係連骨都可以食埋!Yummy!
海鮮呢,我同事點左個汁燒扇立貝,廚師燒得極之好!扇立貝切開肉身同裙邊,肉質燒到面脆心仲有d生,又香又鮮嫩,d汁甜甜地,好好味!
食完魚同海鮮終於都到叫豬豬食啦!yeah! 我點左呢度最出名既燒豚 -煙薰豬腩肉! 個豬腩肉望落睇落好肥,但其實一d都唔肥膩,燒完之後有一d鹹香味,個味好似煙薰鹹豬手,好正! 而且可以配d青檸汁,或配特調既wasabi醬,好惹味!
之後就再叫左個味噌煮黎食下先, 叫左魚餅/蒟蒻/豬手, 魚餅同蒟蒻清清地咁,剛好可以解左頭先燒腩肉既油味,唔錯!
豬手都煮得好淋,吸晒味噌煮d汁,唔錯!
再來緊係繼續食豬啦! 今次想食d燒內臟,所以叫左三樣 - 燒豬肝/燒豬腰/燒豬心黎食! 
個豬肝真係超正,潤又潤味,燒完陣味更加濃!而且一d都唔臊,證明d豚好高質! 
豬腰呢,相對黎講就脆口d,味道無咁濃,但口感都幾好!
不過最特別就係燒豬心,初先以為豬心好臊,點知原來係非常之爽口,薄薄脆脆咁,極之有口感!真係無得輸!
食豬既野當然唔可比佢停! 不過想食d燒卷物,見到menu上有白金豚肉卷物,好似幾正咁! 所以我地叫左幾款黎食!
我點左明爐卷, 估唔到原來係用豚肉卷住d子薑食, 好特別喎,無咁膩又好食!唔錯! 
同事們叫左紫蘇卷 + 林禽卷,紫蘇卷好重紫蘇味,係我未食過既味道喎! 林禽卷呢,豚肉卷住雞肉燒,上面加d沙律醬,係個好好既配搭!
食豬既野,又點可以比佢停! 都未食過唔同部位既豬,又點叫試齊呢? 我地叫左3款黎食! 
腩骨肉, 用左豚腩旁邊最靚既肉黎燒,豬味特別濃,但肉質比豬腩瘦! 好味...
顎骨肉,肉質就彈牙好多,但又keep返嫩滑口感喎! 感覺好難形容咁蜆食!
至于肩肉呢就大塊好多,口感真係唔錯,好似食緊燒豬頸肉咁,但又無咁肥膩多油,呢個我最like啊!
wo...飲飽食醉啦!做野做到咁累,有得食餐勁既,真不錯! 不得不提既係..."多謝老細"!
张贴
