夢の丼 (已結業)

好少嚟土瓜灣，今日黎開就想試吓有咩好食！上網搵到呢一間日本餐廳.呢間餐廳主要係食丼飯！我哋首先叫咗《赤穗武士蠔》你哋睇吓隻蠔幾咁大隻😋未食就知道一定好鮮甜😂因為佢有醃製過！超好味！之後我哋叫咗個《蟹膏豆腐》個樣雖然好似腐乳😂但食落去真係啖啖蟹膏甘！之後我哋再叫咗個《磯燒帆立貝》燒得啱啱好，唔會過熟！跟住就到丼飯出場啦😂我哋叫咗兩個丼飯！一個係《花錦魚生當》睇過menu,有成十幾種魚生😋撈勻黎食超好味！入邊有三文魚、左口魚、白身魚、金蟹子等等！一碗飯就可以試晒唔同嘅魚生！另外嗰本我哋就叫咗個招牌《夢之丼》相比之下呢碗嘅食材就會好似貴價啲！有三文魚蓉　、三文魚子、帆立貝、海膽等唔使講都知道食完呢碗一定好滿足啦！呢間餐廳非常推介🤭