影片
更多
2023-11-07
47 浏览
之前食過呢間蒸海鮮餐廳一直念念不忘，超鍾意佢一人一鍋嘅concept。入面環境好有privacy，每枱中間以竹簾分隔，啱晒一邊食一邊傾偈。不得不讚下通風系統好好，咁多蒸爐一齊蒸都唔會煙霧離漫。餐牌入面有幾個餐選擇，包咗沙律、小食、海鮮、牛豬雞肉、丸類、蔬菜，仲有粥底、米粉或麵底選擇。價錢由$258至$698，亦提供單點食物，飲品則要另外自費。兩個人點咗$258同$328餐各一，套餐入面嘅海鮮包括有鮑魚、聖子、元貝、花甲、蜆、蝦、魚。另外有牛丸、薑汁皮蛋貢丸、墨魚丸及蔬菜拼盤。前菜仲有蟹籽沙律，炸物分別係章魚燒同埋吉列蠔，超多野食，呢個餐真係好豐富。重頭戲一定係海鮮，基本上佢各種海鮮都唔錯，尤其係蜆肉、鮑魚好正，入口新鮮好味。而幾款肉類質素亦好好，連丸類都夠晒彈牙。蒸完所有食物後，店員會幫手煮粥，呢個粥集海鮮嘅鮮味於一身，入口非常鮮甜。強烈建議，無論幾飽都要食埋先夠完滿。
餐牌入面有幾個餐選擇，包咗沙律、小食、海鮮、牛豬雞肉、丸類、蔬菜，仲有粥底、米粉或麵底選擇。價錢由$258至$698，亦提供單點食物，飲品則要另外自費。
兩個人點咗$258同$328餐各一，套餐入面嘅海鮮包括有鮑魚、聖子、元貝、花甲、蜆、蝦、魚。另外有牛丸、薑汁皮蛋貢丸、墨魚丸及蔬菜拼盤。
前菜仲有蟹籽沙律，炸物分別係章魚燒同埋吉列蠔，超多野食，呢個餐真係好豐富。
重頭戲一定係海鮮，基本上佢各種海鮮都唔錯，尤其係蜆肉、鮑魚好正，入口新鮮好味。而幾款肉類質素亦好好，連丸類都夠晒彈牙。
蒸完所有食物後，店員會幫手煮粥，呢個粥集海鮮嘅鮮味於一身，入口非常鮮甜。強烈建議，無論幾飽都要食埋先夠完滿。
张贴
