影片
更多
2016-08-07
2275 浏览
以肉來說，我個人特別喜愛食牛肉同羊肉， 而粉麵飯，我就最愛食麵。所以講到每次去台灣遊玩，必食自己嘅台灣最愛美食餐牌之一 ---- "牛肉麵" 。每次短短幾日遊，淨係講食牛肉麵， 我都可以食5, 6次 (差不多最少一日都要食翻一碗先俾自己返酒店休息), 因為真係超愛超愛食台灣風味嘅牛肉麵。當然唔係去旅遊雜誌介紹個幾間so called 出名嘅牛肉麵店， 因為我聽台灣朋友同台灣的士大哥講， 書上介紹都係俾香港人或者係其他國家旅客去食居多， 唔太係台灣傳統牛肉麵口味， 佢地都唔太去食， 而去真係更本地口味嘅餐廳食， 我自己都覺得味道上更勝大名氣嘅餐廳， 仲要又平又好食喎~ (講緊係港幣$20~30蚊就有一大碗牛肉麵， 最貴都係港幣$100蚊 一碗就可以食到頂級嘅牛肉) 。係香港邊有可能會有，就算有$30幾蚊碗嘅平價牛肉麵， 但品質就成正比， 碗"大"...不過就係湯多， 麵少同牛肉麵好細粒又柴！！ 然而呢個平野無好野嘅定律， 係大埔就被打破咗啦~~~ 我身邊嘅朋友都知道我有幾愛食牛肉麵，所以早兩個星期前其中一位住大埔嘅朋友話我知， 大埔有一位好有性格嘅老闆開咗間牛肉麵店，廣傳雖然麵店有多條
所以講到每次去台灣遊玩，必食自己嘅台灣最愛美食餐牌之一 ---- "牛肉麵" 。每次短短幾日遊，淨係講食牛肉麵， 我都可以食5, 6次 (差不多最少一日都要食翻一碗先俾自己返酒店休息), 因為真係超愛超愛食台灣風味嘅牛肉麵。當然唔係去旅遊雜誌介紹個幾間so called 出名嘅牛肉麵店， 因為我聽台灣朋友同台灣的士大哥講， 書上介紹都係俾香港人或者係其他國家旅客去食居多， 唔太係台灣傳統牛肉麵口味， 佢地都唔太去食， 而去真係更本地口味嘅餐廳食， 我自己都覺得味道上更勝大名氣嘅餐廳， 仲要又平又好食喎~ (講緊係港幣$20~30蚊就有一大碗牛肉麵， 最貴都係港幣$100蚊 一碗就可以食到頂級嘅牛肉) 。係香港邊有可能會有，就算有$30幾蚊碗嘅平價牛肉麵， 但品質就成正比， 碗"大"...不過就係湯多， 麵少同牛肉麵好細粒又柴！！ 然而呢個平野無好野嘅定律， 係大埔就被打破咗啦~~~
我身邊嘅朋友都知道我有幾愛食牛肉麵，所以早兩個星期前其中一位住大埔嘅朋友話我知， 大埔有一位好有性格嘅老闆開咗間牛肉麵店，廣傳雖然麵店有多條古怪規條， 但佢嘅牛肉麵非常了得， 好有台灣傳統風味， 攪到我急不及待好想快D味嚐！
一去到間牛肉麵店就知道應該幾有實力嘅餐廳， 因為佢地係位於大埔其中一個屋村街市入面， 交通不太方便 (特別對我區外人來講係屬於幾偏僻！) ， 可是去到已經見到好多人圍繞著間麵店耐心地等待佢哋嘅 ---- "牛肉麵" ~~
(我係第兩日非繁忙時間人少D先可以補影返個門面俾大家睇咋！)
入翻正題：牛肉麵， 等咗10多分鐘就到喇，登~登~登~~~
牛肉麵
$38
115 浏览
0 赞好
0 留言
喜愛大口大口食嘅我， 先品嚐佢嘅濃湯之後就一大口咁將件厚切嘅牛展肉放入口。 口內邊嚼碎嘅同時，心裏就湧現咗食神家燕姐句食評： "好！ 好~好~味~呀！"
認真，依家食市好難可以做到嘅"色香味"俱全嘅感想！
牛肉麵
$38
112 浏览
0 赞好
0 留言
"香": 品嚐個湯底， 可以食到有幾層味道， 除咗有濃烈嘅牛肉湯底味， 仲有甘香嘅味道，我估係放咗紅蘿蔔，令我就算多飲幾匙湯底都唔會覺得有好餾嘅感覺， 而且最重要係唔會有口渴感， 正！
"味": 牛肉真係煮得好入味， 件件都係厚切但咬落一D都唔硬，仲要好淋添， 有入口即融嘅感覺！
而麵就係上海拉麵，少少粗身卻好彈牙同有口感。
牛肉麵
$38
111 浏览
0 赞好
0 留言
以前係香港真係無得選擇， 而當內心隻蝴蝶又不停地打轉飛來飛去， 挑起好想食台灣牛肉麵的話，好少少嘅台灣牛肉麵我就淨係諗到係元朗個間，味道都有2~3成似台灣口味， 問題就係除咗係地區偏遠外，每次食完佢地嘅麵， 口渴不停， 攪到自己！ 至於其他好多什麼台灣過江龍得獎嘅牛肉麵專家， 試過後我個人覺得忘記咗佢地也不為重要！ 為解食台灣牛肉麵嘅心癮， 就算短短得一個weekend嘅時間, 我每年都盡量去台灣一次食翻夠本！！ (我自己都覺得自己鍾意食到好癲， 哈哈！！) 依家我已經可以唔洗或者係減少去嘅次數喇， 因為有"九米香"~~
(其實到寫呢篇食評嘅今日，我已經試食咗3次先寫去寫， 因為呢碗牛肉麵真係吸引到我有時間都想老遠揸車去食翻碗多過想坐低去寫完呢篇手稿， 真係對唔住大家， 哈哈！)
P.S. 未去過嘅人，大家可能未明白我上面講到位老闆幾有性格是什麼一回事， 不過睇完下面佢地三不招待嘅條例， 大家應該明白~
講得白D, 好似有D寸， 但佢嘅實力又真係寸得起喎！ 對我來講， 其實老闆幾nice同攪笑丫!
寫完又有心癮再去食翻碗添~~
张贴
