3rd Space (已結業)

好耐之前已經save咗3rd space，每次見到佢個班戟都超級想食🤩今次同朋友仔一齊去拔草好開心💕先講佢最出名嘅麻糬班戟😛 口感同味道好豐富：有麻糬班戟、海鹽忌廉、牛奶雪糕、granola同水果！以為佢係美式班戟咁就會比較結實，但係佢係幾鬆軟架，而且帶有陣陣伯爵茶嘅香味😋 班戟加麻糬都幾好食，多咗重煙煙韌韌嘅感覺，不過唔知點解舊麻糬係綠色嘅😆 我幾鍾意個海鹽忌廉，可以中和返班戟嘅甜味，食落就唔會好漏啦🤤 如果下次再食，我會叫原味或者花生醬煉乳，好似同個忌廉襯啲😌咸食我地就叫咗慢煮蛋乳酪配芝士麵包，味道正常，唔係話好驚喜，價錢有少少貴😕 芝士排包幾香幾軟熟，配無糖乳酪都ok嘅😂 本身以為隻蛋係流心蛋，點知唔係，有啲失望，仲諗住點麵包食😟 成碟野感覺好健康，有啲太健康🤣鮮果茶飲落好清新，係帶有酸味嘅水果茶，而且唔係好甜，我就幾鍾意啦🍹 如果你唔鍾意似果汁嘅水果茶，就未必啱你喇😉▫️招牌燒海鹽忌廉麻糬班戟(伯爵茶味) $85▪️慢煮蛋乳酪配烤芝士麵包 $110▫️皇室伯爵鮮果茶 $48