影片
更多
2023-08-30
30 浏览
近排有朋友推介一間蒸氣海鮮有埋粥底見佢分店仲要係九龍城咁近無理由唔去叫左呢個$419@套餐唔好以為得10樣嘢唔夠食食到最後個粥都係食唔晒既！ 🫣先食呢個加拿大野生大赤蝦用到刺身級既赤蝦，店員有提到，佢會相對冧身少少，不過會好鮮甜，食落去，個蝦真係好甜，又唔算冧，而蝦頭超級多汁！無敵甜！ 台灣九孔鮑魚蒸嘅時候已經去咗內臟，食落好方便，肉身好彈牙大西洋野生青口伴左蟹黃醬，令青口既甜出哂黎，而且絕對無海草味！黃金翡翠螺呢個又係好驚艷！朋友都大讚，佢好彈牙，而且有海螺嘅甜味！平時食buffet完全食唔出呢種味架 🤤🤤因為打風，紐西蘭既海鮮未到，所以餐上面另外一種海鮮用左元貝去取代不過唔會hea你，一樣大大隻，而且好新鮮，好厚肉！韓國釜山珍珠蠔呢個雖然簡簡單單咁蒸熟佢，不過蠔肉依然脹卜卜，又唔腥重點黎啦 🤤🤤🤤澳洲青年龍蝦 一人半隻好有咬口得黎又唔老，又有膏，一啖都食唔晒架！太平洋饅頭蟹望落去勁細隻，以為冇肉食，不過認真食下，肉係少啲，但係超甜呀啲汁！ 真係未食過咁清甜嘅蟹！野生膏仔蟹 爆多膏！連店員姐姐都話好靚！啲蟹膏多到！食落甜到好似要飛去天堂！超超超超超好食 😍😍😍 絕對值得為咗依個enc
有埋粥底
見佢分店仲要係九龍城咁近
無理由唔去
叫左呢個$419@套餐
唔好以為得10樣嘢唔夠食
食到最後個粥都係食唔晒既！ 🫣
先食呢個加拿大野生大赤蝦
用到刺身級既赤蝦，店員有提到，佢會相對冧身少少，不過會好鮮甜，食落去，個蝦真係好甜，又唔算冧，而蝦頭超級多汁！無敵甜！
台灣九孔鮑魚
蒸嘅時候已經去咗內臟，食落好方便，肉身好彈牙
大西洋野生青口
伴左蟹黃醬，令青口既甜出哂黎，而且絕對無海草味！
黃金翡翠螺
呢個又係好驚艷！朋友都大讚，佢好彈牙，而且有海螺嘅甜味！平時食buffet完全食唔出呢種味架 🤤🤤
因為打風，紐西蘭既海鮮未到，所以餐上面另外一種海鮮用左元貝去取代
不過唔會hea你，一樣大大隻，而且好新鮮，好厚肉！
韓國釜山珍珠蠔
呢個雖然簡簡單單咁蒸熟佢，不過蠔肉依然脹卜卜，又唔腥
重點黎啦 🤤🤤🤤
澳洲青年龍蝦 一人半隻
好有咬口得黎又唔老，又有膏，一啖都食唔晒架！
太平洋饅頭蟹
望落去勁細隻，以為冇肉食，不過認真食下，肉係少啲，但係超甜呀啲汁！ 真係未食過咁清甜嘅蟹！
野生膏仔蟹
爆多膏！連店員姐姐都話好靚！
啲蟹膏多到！食落甜到好似要飛去天堂！超超超超超好食 😍😍😍 絕對值得為咗依個encore
食完咁多海鮮，啲汁就會流落去做個粥，佢個粥好簡單，加左芋頭同排骨，但係有海鮮嘅鮮味！仲有蒸埋個菜，refresh個口腔
成餐都係有人會幫你蒸嘢，同埋會介紹啲海鮮，服務一流
海鮮全部都真係好新鮮，而且食落去冇一隻係梅既！種鮮甜味包你食過返尋味！
真心推介比鍾意食海鮮既你 🤓
张贴
