二刀流串燒居酒屋 (已結業)

土瓜灣新開左呢間日式居酒屋，入面嘅環境好舒適，食物仲非常高質。今次點咗好多嘢食，包括有呢個五點刺身盛，有吞拿魚、三文魚、油甘魚、赤貝同埋池魚，全部都非常新鮮，池魚上面仲鋪咗金箔，有奢華既感覺。呢度嘅串燒都高度推介，師傅即叫即燒，今次點做雞腎、雞腿、雞膝軟骨、自家製雞肉棒同埋韭菜芝士豚肉卷，有六款唔同味道嘅鹽可以作串燒調味，超正！另外仲點左西京燒銀雪魚，魚肉仲煙燻過，又嫩又香。小食點左蒜蓉牛油燒枝豆、蟹膏豆腐、燒飯團、鹽燒虎中蝦等，好味道。食埋蕨餅做甜品就perfect。