HIKARI

今日同朋友去咗荃灣Hikara食晏，試咗佢哋嘅煎封法國油鴨髀牛肝菌意大利飯、水牛城炸雞翼、初雪窩夫同百利甜酒朱古力咖啡，超高水準！煎封法國油鴨髀牛肝菌意大利飯：油鴨髀煎得香脆，肉質嫩滑多汁，配上牛肝菌意大利飯，香氣撲鼻，味道濃郁。意大利飯煮得剛好，唔會太軟或太硬，牛肝菌嘅鮮味同油鴨髀嘅香氣互相襯托，好惹味。水牛城炸雞翼：一份有4隻雞翼，外皮酥脆，內裡肉嫩多汁，仲可以沾辣醬食辣椒醬，勁有風味。初雪窩夫：份量都幾大，可以兩個人分享。窩夫烘得鬆軟，上面放咗好多鮮果，有士多啤梨、藍莓等等。窩夫仲有芝士奶蓋同伯爵白朱古力醬作配料，芝士奶蓋好濃郁，勁正！伯爵白朱古力醬好香甜，同窩夫、鮮果一齊食好滿意。飲品叫咗百利甜酒朱古力咖啡同熱伯爵茶。百利甜酒好香甜，好啱女仔飲！溝埋朱古力咖啡一齊飲勁驚喜！甜酒中和咗咖啡嘅苦，又帶有香濃朱古力味，飲落去甜度非常適中，勁推薦！而伯爵茶就可以解膩，配搭甜品一齊品嚐，成件事勁Chill呀!!!