鹿巷

营业中

休息中

朋友好少去西灣河，所以今次就同佢去左西灣河揾食啦。除左去出名既太安樓之外，再去左附近既【鹿巷】試下。佢地主打自製水果咖喱、同埋其他日式小食飯類。香草火炙鴨胸丼：焦糖火炙鴨胸鹹鹹甜甜、肉汁軟嫩。最驚喜係旁邊既自製甜水果咖喱，用蘋果同水蜜桃熬煮，撈飯食超開胃！他人丼：將傳統親子丼嘅雞肉換成薄切牛肉，照燒汁入味，蛋液半熟滑溜，洋蔥煮到甜軟。牛肉嫩滑唔韌，蛋香濃郁。特製雞軟骨：雞軟骨炸到金黃脆身，撒上日本山椒粉，麻香微辛。自製淺漬燒蓮藕：蓮藕片漬得爽脆入味，帶淡淡昆布柴魚香，表面輕輕燒過增添焦香。作為小菜清新解膩，配丼飯絕佳！