廟街牛雜

营业中

休息中

去食蛇宴之前，先黎聞名已久的廟街牛雜食牛什。同阿媽兩個人，買了$20牛什，加少少蘿蔔。較剪聲此起彼落，甚是吸引。牛什款式多，有肺、膀、肚、腸同心。熱辣辣！先講蘿蔔，好入味喎，又夠淋，正。叫咗多肺，真係好多舊。牛肺清洗得乾淨，無異味，仲連埋少少軟骨，令口感更豐富、更爽。牛膀都好正，炆得夠時候，淋淋粉粉。估唔到有牛心，口感同豬心無異，好厚肉，無異味。牛腸同肚都不過不失。不過整體味道較淡，如果喜歡濃味，就未必覺得好。不過我就覺得好正，抵食、好食，又乾淨。