Uma Nota (已結業)

壽司拼盤$280呢個豐富又抵食嘅壽司餐，有好多件壽司兩個人食都好足夠。首先頭盤有10件壽司，每款兩件：山葵油甘魚、炙燒三文魚配黑飛魚籽、吞拿魚醬油、蝦他他脆米、粉紅辣椒蟹肉脆米。山葵油甘魚大件又鮮味，炙燒三文魚幾肥美。我最鍾意食吞拿魚醬油，好夠味。蝦他他脆米及粉紅辣椒蟹肉脆米嘅飯好似飯焦咁，脆脆地口感非常特別。主菜有紫酥牛油果辣吞魚、牛油果青瓜燈籠椒配脆木薯、蝦天婦羅🍤配青瓜、辣芒果醬。蝦天婦羅夠曬香脆，仲有紫菜包住食。另外兩個卷物都幾惹味。辣吞拿魚香辣幾好食，牛油果青瓜燈籠椒🫑味道清新。黑松露A5和牛多士$210和牛多士香脆，而且仲有黑松露香味。黑松露一片片，好足料。和牛味道香濃，夠曬多汁。燒原條八爪魚鬚配紅椒莎莎醬$160大大條八爪魚🐙，八爪魚腍腍地，點醬汁食唔錯。