牛魔 (已結業)

今日去咗位於尖沙咀K11後面嘅呢間牛魔度食午餐餐廳地方都幾闊落，午市時間幾乎全場爆滿用咗黑色嘅主調去裝修有居酒屋嘅感覺，而且不失型格午餐時間嚟到有一人燒肉套餐超級抵食，我就叫咗個48嘅牛五花套餐入面已經包咗100 gram嘅牛五花沙律飯同埋麵豉湯工作日午餐就啱啱好啦 牛五花肥瘦適中 冇想像中咁多肥肉 而且肉色紅潤夠晒新鮮喺火爐上面燒10秒左右已經食得 油脂香氣配上珍珠米一絕仲可以自選三款唔同嘅醬料 個人覺得最有驚喜嘅係黑松露燒汁甜甜地而且豐富黑松露香氣 同時能帶起牛肉嘅肉香 朋友就叫咗個西班牙黑毛豬五花豬頸肉配雞腿肉套餐 超級豐富，一次過可以食到三種不同嘅食材 黑毛豬質素好高 一啲豬蘇味無 最驚喜就係豬頸肉超級彈牙爽口 同時油脂十足同事加錢轉左牛魔蘭王紫菜遇見拌飯 其實係用咗蘭皇蛋黃加上紫菜同燒汁嘅撈飯 蛋香十足