平時雞煲放題就食得多，鴨煲真係第一次見，貪新鮮梗係要試下🤤
鴨煲一上枱香氣撲鼻，份量唔少，鴨肉煮得夠淋😋食完可以再叫湯底打邊爐，亦可以再叫雞煲或者豬手煲，但我哋覺得再食嘅話就太飽打唔到邊爐，唯有留返下次再試。
湯底有唔少選擇，我鍾意佢嘅泰皇冬陰功鍋，湯底酸酸辣辣，冬陰功味香濃，加入蔬菜菇類豆腐好索湯好好味🤤
另外又試咗佢嘅沙爹鍋，用嚟煮肥牛同豚肉好夾，火鍋配料仲有少量海鮮選擇👍🏻
任飲任食兩個半鐘只係$198，仲有甜品雪糕任揀，真係好抵食。環境又舒適企理，座位寬躺，店員服務更一流，性價比高的一間雞煲火鍋放題店。
