影片
更多
2022-07-15
339 浏览
今日要同好🐢🍯食生日飯，仲要係補食嗰隻，梗係要食餐好啲㗎啦。估唔到喺佐敦嘅小巷入邊，會有間咁有格調嘅餐廳。佢有阿媽姑姐食，佢嘅阿媽姑姐有兩樣嘢揀，一係就海鮮一係就和牛。除左前茶之外，會包6樣燒物，兩樣和食同一個主食，都好豐富。如果坐吧枱仲可以望住廚師整嘢食，但係坐下邊一個個卡位，又好有私人空間。講緊$700有找一個頭，而樣樣嘢食都有好睇又好味，環境又咁好，絕對唔失禮。前菜除咗醃製品之外，仲有一個蛋沙律，呢個蛋沙律似乎係隱藏餐單，因為我哋喺Menu度搵唔到。然後第一個和食就係燉牛舌，呢個牛舌真係不得了，因為部位嘅關係，我原本對呢樣嘢都有少少抗拒，但係佢呢度真係燉得好林好入味，直頭想encore。然後就開始上燒物，首先係燒雞翼同埋燒鮮白鱔串。佢個雞翼真係燒得好靚，雞皮燒到脆卜卜，但係入邊啲肉仲好滑好Juicy。而個鱔都係不得了，魚皮燒到脆卜卜，但係啲魚肉仲係好Juicy，真係好好味。然後就係佢呢度嘅秘製雞肉棒棒，佢支棒棒會跟咗個蛋黃，佢個蛋黃真係好香好甜，俾你攞嚟沾串燒食，唔單止沾呢個雞肉棒棒，其他串燒都可以攞嚟點。食到中間又會上咗第二個和食，係炸蠔同埋薯餅。佢真係好好大隻，一咬開，超ju
估唔到喺佐敦嘅小巷入邊，會有間咁有格調嘅餐廳。佢有阿媽姑姐食，佢嘅阿媽姑姐有兩樣嘢揀，一係就海鮮一係就和牛。除左前茶之外，會包6樣燒物，兩樣和食同一個主食，都好豐富。
如果坐吧枱仲可以望住廚師整嘢食，但係坐下邊一個個卡位，又好有私人空間。講緊$700有找一個頭，而樣樣嘢食都有好睇又好味，環境又咁好，絕對唔失禮。
前菜除咗醃製品之外，仲有一個蛋沙律，呢個蛋沙律似乎係隱藏餐單，因為我哋喺Menu度搵唔到。
然後第一個和食就係燉牛舌，呢個牛舌真係不得了，因為部位嘅關係，我原本對呢樣嘢都有少少抗拒，但係佢呢度真係燉得好林好入味，直頭想encore。
然後就開始上燒物，首先係燒雞翼同埋燒鮮白鱔串。佢個雞翼真係燒得好靚，雞皮燒到脆卜卜，但係入邊啲肉仲好滑好Juicy。而個鱔都係不得了，魚皮燒到脆卜卜，但係啲魚肉仲係好Juicy，真係好好味。
然後就係佢呢度嘅秘製雞肉棒棒，佢支棒棒會跟咗個蛋黃，佢個蛋黃真係好香好甜，俾你攞嚟沾串燒食，唔單止沾呢個雞肉棒棒，其他串燒都可以攞嚟點。
食到中間又會上咗第二個和食，係炸蠔同埋薯餅。佢真係好好大隻，一咬開，超juicy勁爆汁，真係好鮮甜。而佢個薯餅係我鍾意嘅番薯餅，食落去甜甜地，好鬆軟，好味。
然之後就係隱藏餐單嘅麥樂雞，原來係墨魚滑包係雞翼入邊，佢啲墨魚滑好新鮮好彈牙，加埋燒到啱啱好嘅雞肉，真係一個完美嘅配搭。
另外一個隱藏餐單係呢個雞皮蝦，佢呢度嘅雞皮都係好出色，燒到完全冇晒油脂，雞皮脆卜卜，中間又係好彈牙嘅蝦，不過咁樣嘅配搭隻蝦會乾身咗少少，有少少美中不足。其實佢仲有個燒豆腐都好好味，仲有一個煮食分別係茶漬飯同埋烏冬，不過因為圖片上傳有上限，所以就唔特別講啦。
佢呢度除咗係食日本嘢之外仲有Cocktail。我自己揀咗杯Chado，日本Whisky底，味道酸酸甜甜，我覺得幾啱女仔飲。
🐢🍯因為唔飲酒所以佢就揀咗杯Mocktail。佢嗰杯叫Ko-Do-Mo(佢都冇），係蘋果汁做底，清清地啱佢呢種小朋友飲。
原來佢呢度逢星期三Cocktail可以買一送一，下次等我擲啱日子過嚟試埋佢嘅Cocktail先。
张贴
