影片
更多
2018-04-08
529 浏览
成日經過觀塘亞太中心見到都勁多人排隊食日式放題，今次終於Book 到位同朋友星期日晚黎食御前大江戶日本料理，見到佢的磯燒海鮮放題真的太吸引了。今晚食8點45分果輪，早咗上黎先係門口等一等位，餐廳會跟次序安排我地入去坐低。餐廳入面真的超大，座位好满，Walk in 都無位，建議一定要打電話book 位先。餐廳係用Ipad 落單的，同其他放題餐廳用剔紙仔落單又唔同，環保咗又快捷啲，唔會有漏單的出錯。一坐低立即出去攞飲品，雪櫃汽水，啤酒，紙包飲品等，全部都好齊，最可愛的地方是有迷你細支裝的道地綠茶同解茶等，果然受歡迎。雪糕櫃都有好多款雪條，雀巢，同韓國水果雪條都有，好豐富呀。仲有大量沙律前菜小食同多款新鮮生果可以揀。頭先一坐低，職員就立即送上一個用大木盆裝住的磯燒海鮮拼盤，每檯都會限定送一份。職員仲會好好人，主動幫手燒的。有兩隻超大隻的北海道元貝，肉質厚身，鮮甜爽口，咬落十分香甜，好有海水味，加上少少牛油燒，更加香味四溢，超值呀。兩隻活鮑魚，肉質呈白色，側邊係青黑色，肉質鮮嫩，咬落啖啖肉的。兩隻大虎蝦，大隻多肉，肉質彈牙，蝦味濃郁。美國珍寶蠔，肉質爽口彈牙，有少少海水味。甲羅蟹一隻，細細隻的
今晚食8點45分果輪，早咗上黎先係門口等一等位，餐廳會跟次序安排我地入去坐低。餐廳入面真的超大，座位好满，Walk in 都無位，建議一定要打電話book 位先。
餐廳係用Ipad 落單的，同其他放題餐廳用剔紙仔落單又唔同，環保咗又快捷啲，唔會有漏單的出錯。
一坐低立即出去攞飲品，雪櫃汽水，啤酒，紙包飲品等，全部都好齊，最可愛的地方是有迷你細支裝的道地綠茶同解茶等，果然受歡迎。雪糕櫃都有好多款雪條，雀巢，同韓國水果雪條都有，好豐富呀。
仲有大量沙律前菜小食同多款新鮮生果可以揀。
頭先一坐低，職員就立即送上一個用大木盆裝住的磯燒海鮮拼盤，每檯都會限定送一份。職員仲會好好人，主動幫手燒的。
有兩隻超大隻的北海道元貝，肉質厚身，鮮甜爽口，咬落十分香甜，好有海水味，加上少少牛油燒，更加香味四溢，超值呀。
兩隻活鮑魚，肉質呈白色，側邊係青黑色，肉質鮮嫩，咬落啖啖肉的。
兩隻大虎蝦，大隻多肉，肉質彈牙，蝦味濃郁。
美國珍寶蠔，肉質爽口彈牙，有少少海水味。
甲羅蟹一隻，細細隻的，但入面有好多蟹膏，鮮甜美味。
放題必叫的刺身，三文魚厚切，嫩滑鮮甜，帶子肉質香甜，油甘魚同赤身都切得好厚，啖啖肉，仲有至愛的翡翠蝦，肉質彈牙鮮甜。
燒左口魚壽司，微微烤過肉質嫩滑，入口即溶，壽司飯都細細件的，唔使食得太飽。海膽壽司，紫菜新鮮清脆，海膽份量唔算少，味道鮮甜。
美味串燒系列，燒牛舌，肉質爽口，切得薄，牛肉味香濃，燒鰻魚，比較淋身，燒汁美味。
燒菠蘿，真的超甜超新鮮，咬落爽口清甜，十分多汁。炒腰果香脆可口，燒帆立貝鮮甜。
仲有燒雞翼，燒多春魚，燒雞軟⻣等，燒得都剛熟，入味的。
海膽滑蛋泡飯，食到最後可以一試，因為鮮甜解膩，熱辣辣，自己親手煮，倒晒啲材料落去滾一下就可以食。
甜品同雪糕就揀咗朱古力糯米糍同雲呢拿朱古力味雪條食，香滑美味。放題黎講係性價比超高之選，又有磯燒海鮮，又有新鮮刺身，燒物等，員工服務速度快，是很適合一班朋友相約聚會。
张贴
