店內裝修係簡約和風，座位都算舒適，唔會好逼夾。 Menu除咗有多款石燒肉類，亦有多款由廚師主理嘅鐵板燒、飯麵類、一品料理、小食等等，無酒精飲品選擇都非常多，亦有清酒🍶同生啤供應。與其話佢哋係燒肉店，應該話更類似係日式居酒屋。🍻
============ヽ(○´∀`)ﾉ♪
鹿兒島A4和牛肩肉 $218
⭐️推薦🫶🏻見A4和牛做緊特價，叫咗一客牛肩肉🤤🤤 雪花油脂非常豐富，牛肩呢個位置嘅口感並唔係入口即溶化嗰一種，而係有少少咬口，但又非常軟嫩，牛味濃，非常之好味🤤
每碟燒肉都有一隻冬菇伴碟，店員教燒緊肉嘅時候放埋上去燒，等佢吸收和牛嘅油份，更好食😋
呢度用嚟沾點燒肉嘅醬汁，有生薑芝麻汁同埋果味燒汁，兩種都為燒肉片帶來唔同嘅味蕾衝擊😋😋😋
厚切特上牛舌Combo $158
⭐️推薦🫶🏻 鍾意食牛舌嘅朋友不容錯過！係超厚切牛舌拼牛舌薄片，兩款都好正～份量亦都好多～ 牛舌唔羶口感爽口，厚切更加係好juicy彈牙😆 店員見我哋一嘢就放咗厚切牛舌去爐中間，就溫馨提示我哋要放爐邊慢慢燒曬4面等佢慢慢熟先好味👍🏻
Order 石燒單點類可以加錢追加以下項目👇🏻
溫泉蛋、味素飯、湯（石燒類+$38）
味素飯好好味，伴溫泉蛋食一流👍🏻🤤
醬油湯鳥冬（石燒類+$38）
唔想食飯可以加湯烏冬，佢個烏冬都好滑😋
生菜蒜片（石燒類+$38）
燒肉肉又點可以唔用生菜蒜片夾嚟食？🤤
============ヽ(○´∀`)ﾉ♪
明太子脆豆腐 $58
類似千層豆腐嘅質感，炸得香脆，明太子鹹香同炸豆腐好夾。
唐揚墨魚咀 $58
⭐️推薦🫶🏻 炸得香脆，墨魚咀好大粒，新鮮彈牙，加少少檸檬汁，沾點埋佢個芥末沙律醬更好味。 如果飲酒叫呢碟墨魚咀嚟餸酒就啱晒👍🏻
牛匠彩虹水果茶 $68
⭐️推薦🫶🏻 好大杯，綠茶味香，味道清新，超多水果片&水果碎🍓🫐🍊🍑😂 仲有3片冰凍菠蘿🍍吉住竹籤方便食～ 食燒肉飲呢杯嘢解油膩啱曬🫶🏻
桂花果釀四季春 $38
好香四季春茶味，有少少桂花味，上層奶蓋。清清哋幾好飲。
