八木橋日式燒肉

今晚約左左好耐無見嘅朋友一齊係旺角食晚飯, 朋友揀左E間位於T.O.P嘅放題燒肉, 餐廳環境幾大, 無咩油煙味, 乾淨企理, 坐得幾舒服!店員同我地詳細介紹左唔同等級嘅放題, 我地就揀左✨️霞✨️

等佢上食物嘅同時我地就去左去自助調料吧拎調料, 佢地個燒肉汁好好味呢!另外仲有唔同嘅汽水選擇, 食燒肉又點可以唔配汽水先!

肉肉嘅品質好不錯, 肉味濃郁鮮嫩, 配埋個燒肉汁更惹味! 除左肉肉, 佢地海鮮我地都食左唔少嫁! 有鮑魚／蠔／蜆／魚肉等, 全部都非常新鮮幾好食, 我地都食左幾輪!