渝痴漁醉

营业中

休息中

本身上黎想食酸辣粉，點知見到餐牌有放題。銅鑼灣晏晝食放題好平呀，星期日午市先$88一位。仲要可以揀雞煲/烤魚/肉骨茶煲/胡椒豬肚雞煲，仲要包埋嘢飲㗎，真係超抵食。就算晚市都只係$128一位。我就嗌咗烤魚，成條魚好大條，好香麻辣味，個底仲有芽菜，好味道。自助區都幾多選擇，我最欣賞有一碗寬粉可以拎，寬粉擺落烤魚到索晒啲麻辣香味真係好好食。自助區仲有牛肉啊，丸類，蓮藕，蔬菜。仲要飲品都包㗎，我就自己拎咗解茶解膩。香酥軟骨 ($55)仲嗌左一個小食，軟骨都炸得幾香脆，同埋有啲椒鹽嚟，點埋酸甜醬都唔錯。總括來講，呢間嘅放題真係幾抵食呀。