大瀛喜日本料理 (已結業)

近排忙到好冇心機，一於食餐勁嘅黎慰勞下自己！約埋朋友去大滿喜日式放題放肆吓 首先揀嘢飲，好多選擇啊，有大路嘅汽水同茶，連韓式飲品都有！ 跟住就開始重點嘅魚生啦。上枱已經擺得好靚，放晒乾冰有曬煙咁。魚生都好新鮮，三文魚紋理分明，劍魚腩色澤紅潤，蝦都好大隻鮮甜！帶子好食都不得了，大隻鮮甜，食到停唔到！熱食方面叫咗燒牛舌、炸生蠔、炸榴槤丸，好好食呀！全部上枱都熱辣辣，明顯係新鮮整，正！ 甜品都好多選擇，有雪糕雪條，有我最愛嘅榴槤雪條啊！ 仲有mini心太軟食！總括嚟講呢間放題絕對物有所值，一定要試！