瀛豐放題料理專門店

今日同朋友搵地方食午餐，見到新推出午市定食加午市基本放題。原條鰻魚飯 $88原條鰻魚好有氣派，雖然望落去好似好深色，以為鰻魚汁會好咸，但又唔係喎，微甜嘅鰻魚汁，口感柔軟，唔係乾柴嘅。北海道刺身丼 $78材料有牡丹蝦，油甘魚，帆立貝，三文魚，刺身十分新鮮，牡丹蝦爽口彈牙，油甘魚肥美，帆立貝非常鮮甜，三文魚油脂分布平均。另外可以掃碼落單，選擇都好算多，我同朋友禁禁吓就叫到成枱都係嘢食，午餐嚟講係勁滿足囉。