大滿喜日本料理 (已結業)

其實要數食得最開心既方法，一定係去食放題，可以食幾多都得，唔洗就住就住咁叫，又可以食到勁多刺身壽司，今日仲要俾我食到一間性值比極高既日式放題，真係好值得介紹下。大滿喜日式料理位於旺角創興廣場，地點非常放便，啱哂我行左成日街勁肚餓既狀態。為左避開人潮，專登揀5：30入坐果個時段，價錢平d但食物質素一樣咁高。餐廳食物既選擇真係多到數唔哂，一於精選我食完覺得勁好食一定要encore既食物先。首先決定一間放題好唔好食，個人認為刺身既質素非常重要。大滿喜既刺身係非常高質，款式又多，最緊要係好新鮮，個人特別喜歡北海道鮮帶子，珍寶赤海蝦，挪威三文魚同油甘魚。北海道鮮帶子勁鮮甜，赤海蝦好大隻又新鮮，三文魚同油甘魚都勁肥美鮮甜。另外仲有幾款食物好值得推介，燒羊架燒得好香，軟硬適中食落好juicy芝士蘑菇雞翼，芝士味勁香濃，配埋雞翼真係好夾和牛壽司，蟹棒壽司，左口魚邊壽司都好正出色。任食兩個鐘先係$200一個人，得閒餓餓地真係要去食番夠本