串燒兄妹 (華景大廈)

营业中

休息中

今晚去左土瓜灣搵到間串燒小店，全部串燒即叫即燒，仲要全部都燒得好香，但又keep到水份食落好juicy 惹味。呢度仲要好抵食，有34款自選串燒，$12/一串，$55/五串，$100/十串，肉類、蔬菜類、丸/腸類、海鮮類都有得揀，性價比滿分。蒜蓉燒即開生蠔都只係$28隻，爆多蒜蓉入晒味嘅同時隻蠔又燒到岩岩好熟超級嫩又juicy。燒原條茄子$38一大條， 同樣係勁多蒜蓉食落超惹味。尖椒釀蝦滑$18串，紅綠尖椒加埋彈牙蝦滑唔錯。飲品方面，白桃冷泡茶$10就大大杯，食完串燒解膩一流。