影片
更多
2022-09-12
43 浏览
今晚係旺角睇完戲，隨便係朗豪坊旁嘅山東街搵左間麻辣香鍋食。岩岩好滿座，但等左五分鐘就有位。單價睇落雖然唔係特別平，但份量真係非常非常多，大大碟，尤其係麻辣鍋，我見旁邊嘅客人都係叫個麻辣鍋加兩碗白飯及飲品，人頭應一百幾蚊，仲要無加一服務費......秘製拍青瓜 ($46): 麻辣醬料辛香，相對濃郁，青爪爽脆，仲幾入味。招牌麻辣香鍋 - 每款配料都唔同價錢，我選左以下五款：小酥肉 ($48)、田雞 ($48)、豬大腸 ($46)、牛舌 ($46)、蓮藕 ($28)：選擇左小辣，相對易入口，普通人應該都輕易食到。賣相同一般麻辣鍋差唔多，無論你選擇幾辣，都係有大量乾辣椒、花椒、芫荽、蔥等料，但所點每款配菜嘅份量都好多，非常大堆頭，可算是「食極都食唔曬」。名為小酥肉，但實際卻大大塊，非常厚肉，肉質軟嫩，帶有蜜味，香甜可口；田雞新鮮，口感細嫩唔會乾身，亦夠入味；豬大腸份量亦係好多，應該係先炸後炒，所以外皮酥脆，內裡軟糯，非常肥美，幾Juicy惹味；牛舌又係有好多，厚薄適中，一定唔會好似居酒屋咁爽滑，但軟腍中帶微微咬勁，又幾有肉味，$46簡直超值。辣子雞 ($108): 又係大大碟嘅選擇，酥脆嘅炸雞
單價睇落雖然唔係特別平，但份量真係非常非常多，大大碟，尤其係麻辣鍋，我見旁邊嘅客人都係叫個麻辣鍋加兩碗白飯及飲品，人頭應一百幾蚊，仲要無加一服務費......
秘製拍青瓜 ($46): 麻辣醬料辛香，相對濃郁，青爪爽脆，仲幾入味。
招牌麻辣香鍋 - 每款配料都唔同價錢，我選左以下五款：小酥肉 ($48)、田雞 ($48)、豬大腸 ($46)、牛舌 ($46)、蓮藕 ($28)：選擇左小辣，相對易入口，普通人應該都輕易食到。賣相同一般麻辣鍋差唔多，無論你選擇幾辣，都係有大量乾辣椒、花椒、芫荽、蔥等料，但所點每款配菜嘅份量都好多，非常大堆頭，可算是「食極都食唔曬」。
名為小酥肉，但實際卻大大塊，非常厚肉，肉質軟嫩，帶有蜜味，香甜可口；田雞新鮮，口感細嫩唔會乾身，亦夠入味；豬大腸份量亦係好多，應該係先炸後炒，所以外皮酥脆，內裡軟糯，非常肥美，幾Juicy惹味；牛舌又係有好多，厚薄適中，一定唔會好似居酒屋咁爽滑，但軟腍中帶微微咬勁，又幾有肉味，$46簡直超值。
辣子雞 ($108): 又係大大碟嘅選擇，酥脆嘅炸雞粒加上乾辣椒、花椒、蔥、鹽、胡椒及花生爆炒，幾有鑊氣，味道偏濃但辣味唔重，幾岩佐酒。唯一覺得不足係雞件切得太細粒，唔知係咪特登，想客人一口一粒咁食。
张贴
