半島宴會廳阿翁火鍋館

营业中

休息中

平時同屋企人去開天水圍間阿翁飲茶同打邊爐，超興奮佢近排連元朗分店都開埋啦。見佢呢排推出$1燒味優惠，可以揀BB豬，燒鵝或者海南文昌雞，呢晚冇煮飯就同屋企人去咗食晚餐啦。我哋揀咗$1半隻文昌雞，再嗌咗個晚市優惠 $398 3寶，呢個餐勁抵，包左原個菠蘿咕嚕肉，白汁明蝦球，清蒸富貴班一條。雖然係套餐，但係一啲都唔差！蝦球大大隻，配埋沙律醬汁好開胃；咕嚕肉簡直讚嘆，即嗌即炸，豬肉好嫩；富貴班魚肉細嫩，完全唔腥。今餐好滿足，臨走前仲送每人一碗紅豆沙。